全城熱爆的娛樂八封新聞 & 時事趣聞 & 生活 + 趣聞
有間過二億大屋嘅 Eason陳奕迅，早排又同老婆徐濠縈連掃三個黃竹坑工廈單位，咁多磚頭要供， Eason過完生日假同陪囡囡放暑假，馬上又回復巡迴唱，個個禮拜五六日做「陳永安」。
上星期三（九月二日）， weekday， Eason嗌司機送佢落跑馬地，第一站，先去 Starbucks買杯咖啡醒醒神，跟住由恒生開始，到滙豐最後去埋渣打，每間銀行最少搞半粒鐘以上，大客光臨，明明閂咗門嘅 HSBC同渣打，唔收工，招呼每月淨係供磚頭，都要七十萬嘅樓奴 Eason。即係咁，應該一早預約咗，不過佢叫陳奕迅，如果換咗八珍，睬我都傻。
買完咖啡已經四點半，先去恒生，傾咗大半個鐘，離開時兩職員熱烈歡送。
擺明一早約定，就算過晒時間，滙豐職員照開門俾呢位尊貴嘅 Premier客戶。
最後一間係落晒閘嘅渣打，離開時，阻人收工嘅 Eason同對方握晒手，銀行職員亦細心提佢小心頭撞閘。
環保袋跟身嘅 Eason一落車，第一時間去買咖啡提神。
店員喺咖啡杯身 mark低飲品名稱，正常！但有埋客人個名再加，呢種不尋常嘅待遇，同銀行閂晒門招呼 Eason一樣。
撰文：八珍nextplus.nextmedia.com
