全城熱爆的娛樂八封新聞 & 時事趣聞 & 生活 + 趣聞
後生仔行去搞手續，馮寶寶攬住馮克安喺候診大堂等。
據講，出名好戲嘅馮寶寶識外星話，可以同外星人溝通，不過，寶寶姐始終係地球人，經歷兩段婚姻失敗，唯一不變，係對家人不離不棄。
上星期二（九月一日），家有十一兄弟姊妹嘅寶寶姐，同個後生仔陪住大佢幾年，六十四幾嘅哥哥馮克安，去伊利沙伯醫院腫瘤科做治療。等候期間，寶寶姐攬住馮克安咬耳仔，細心安慰，到醫生出現講解療程，只見寶寶姐好緊張咁問咗醫生一啲問題，之後一齊陪馮克安行去治療室。翻查資料，據講寶寶姐唔係老豆馮峰親生，但冇血緣關係嘅哥哥馮克安要做化療，喺身邊嗰個，都係佢！
換咗衫嘅馮克安，由馮寶寶拖住行去治療室，一手拖喼一手拖實哥哥嘅寶寶姐，要用口叼住張紙巾。
醫生講解做治療細節，馮寶寶緊張到企起身聽清楚。
搭的士去到伊利沙伯醫院，馮寶寶第一時間打開拖喼攞個孭袋出嚟，扶住馮克安嘅後生仔見寶寶姐倒瀉籮蟹，惟有走埋去幫手。
《功夫》 04年 六十四歲嘅馮克安，粵語片年代同細妹馮寶寶一齊入行，邵氏年代跟導演張徹，之後埋成龍洪金寶班，近年洪金寶做動作導演嘅《功夫》同《惡戰》，馮克安都在陣。
《惡戰》 13年
撰文：八珍nextplus.nextmedia.com
