2015年11月19日 星期四

搭上闊少 脷都出埋 袁嘉敏餐廳馬路啪啪聲 [壹週刊 - 1341] :),袁嘉敏,M1,

31歲的袁嘉敏與男友當街親熱,情慾味比《鴨王》更盛。 探熱針 搭上闊少 脷都出埋 袁嘉敏餐廳馬路啪啪聲 34D袁嘉敏鐵皮屋劏房住勻,花六年時間在娛圈打拼,去年以《鴨王》一脫脫貧,由中環山腳搬上中半山豪宅曉峰閣。住豪宅,食老外,富貴 ...


31歲的袁嘉敏與男友當街親熱,情慾味比《鴨王》更盛。

探熱針

搭上闊少 脷都出埋 袁嘉敏餐廳馬路啪啪聲

34D袁嘉敏鐵皮屋劏房住勻,花六年時間在娛圈打拼,去年以《鴨王》一脫脫貧,由中環山腳搬上中半山豪宅曉峰閣。

住豪宅,食老外,富貴全套!日前記者發現袁嘉敏與六呎外籍型男打得火熱,細查下,對方原來是歐洲著名紡織家族後人,在港有四千萬豪宅、千萬工廈揸手。扑中有樣有米筍盤,袁嘉敏愛得肉緊,同男友在餐廳公演「動作情慾片」,嘴到脷都出埋,頭都轉晒,比《鴨王》演出更忘我。

歐洲名門之後

脫貧住上半山後,袁嘉敏下一站目標,搵個大靠山。據悉○九年與失婚星級攝影師夏永康分手後,傷爆的袁嘉敏六年冇開齋;直至兩個月前,在朋友派對上與意大利混法國闊少 Kenneth De Trazegnies火速撻着。有指男方的家族 De Trazegnies是歐洲有名的紡織企業,打理家族生意的 Kenneth在歐洲開酒店外,業務拓展到香港,現時所住市價近四千萬的何文田二千多呎半山壹號,也是自置物業。新歡有米有家底,誓要向上爬的袁嘉敏,簡直中頭獎。

「 Kenneth喺 party一眼就𥄫中 Candy(袁嘉敏),主動抄牌後就狂追。老外本來唔係佢杯茶,不過 Kenneth浪漫進擊,又唔介意 Candy拍過三級片,全靠誠意打動。

「 Kenneth幾年前都同過個香港女仔拍過拖,但佢話 Candy唔似一般港女,唔會喺啲細位糾纏, Kenneth每次去完外地巡視業務,一返嚟第一時間就見 Candy,好鬼痴纏。」知情者說。

脷疊脷

在餐廳兩人如進入無人之境,咬兩啖菜又嘴。

嘴到扯髮

肉緊之際,男的嘴到扯晒女友頭髮。

抖抖先

嘴到氣都喘,袁嘉敏飲啖水回氣,男友繼續由耳仔吻落肩膊,努力調情。

餵飽

嘴完又餵佢食兩啖,吸口氣再嚟!

嘴足上半場,老外男友終肯停一停,醫肚先。歎泰菜,女的用刀叉,男的學揸筷,睇嚟老外好有誠意同港女袁嘉敏發展。

隔住頭盔照嘴

上週五晚(十一月十三日),剛由外地公幹返港的 Kenneth為求同袁嘉敏身貼身,放棄四個轆 Benz,出動戰車「 HYPERMOTARD 1100S」接女友。

踩住四吋高踭鞋,著紅色背心短裙的袁嘉敏,一見男友,心急到未等對方除頭盔隔住個殼照嘴。

有米之外,六呎高的 Kenneth仲好樣大隻,難怪袁嘉敏咁瘋狂,男友除低頭盔又再嚟過!只見二人攬到實,由見面一刻到上車,一共嘴了八次,超肉緊。

闊少老外 Kenneth有米又有樣,對袁嘉敏愛得痴纏,呢鋪女方真係執到寶。

袁嘉敏曾露點拍《鴨王》,但對於開放的老外而言濕濕碎,全不介意。

袁嘉敏同《鴨王》演員不和,年初首映睇住對頭人互嘴搶鏡,她嬲到冇眼睇。

啜爆推開回氣

風馳電掣飛入淺水灣食泰菜,痴纏的 Kenneth呢頭點完菜,嗰頭就急不及待同女友「連場動作片」。由耳仔錫到面,再啜落肩膊,跟住從下巴沿住條頸上番袁嘉敏個嘴,最後肉緊地用雙手捉實女友打茄輪。

餐廳坐滿客,侍應兩頭騰,二人卻如在無人之境,陶醉調情。成餐飯,啜咗半場先捨得起筷。

食完主菜,袁嘉敏同男友叫埋甜品又嚟過!男友一邊餵食,袁嘉敏一邊享受對方的鬚根下巴,自由自在於肩膊上磨擦游走。慾火升至最高點,兩人嘴到脷疊脷,個頭左右兩邊擺,非常忘我。嘴到窒息,袁嘉敏偶爾會輕輕推開熱情 Kenneth抖啖氣,飲啖水潤吓喉。

上車嘴八鑊

當晚老外闊少揸住十幾萬戰車去曉峰閣接袁嘉敏,一見男友,踩住四吋高跟鞋的她企上石壆,隔住頭盔就要嘴。

除咗頭盔再嘴,喺條馬路度嘴咗八鑊袁嘉敏先戴頭盔上車。

唔知係咪冇見幾日,兩個嘴完再情深一攬,睇老外 Kenneth個表情,就知幾咁掛住袁嘉敏。

舒服慢慢嚟

埋單走,開車送女友返半山屋企後, Kenneth就獨自駕車返何文田豪宅,一點也不急於將 34D袁嘉敏「正法」,歐洲人,果然喜歡

慢食。

記者事後致電袁嘉敏,對於男友熱情如火,她說:「我未試過同外籍男士拍拖,所以想慢慢嚟。依家相處舒服,佢好溫柔細心。不過佢係歐洲人,我係傳統中國人,文化上有差異,有時會有意見不合,所以要慢慢相處了解。(佢知唔知你拍過三級片?)知,有同佢溝通過有關我嘅工作,佢鍾意我個人,所以我做乜,都唔會影響對我感覺。」

兒時因住鐵皮屋感自卑的袁嘉敏,入行後極力向上爬,數月前如願搬入月租四萬的舊山頂道豪宅。

09年參選港姐的袁嘉敏奪最上鏡小姐,但選完並沒受到無綫重用。

憑《鴨王》脫貧的她,食住個勢密密登台搵食,更有內地富商出 40萬飯局價利誘她。

早前被拍到與做美容生意的富家子 Alan約會,但原來當日只是傾公事。

開埋酒店

袁嘉敏男友 Kenneth Martha Jules, De Trazegnies是家族姓氏,現年 36歲,是意大利及法國混血兒,自小在比利時長大,家族從事紡織業,是宜家傢俬其中一個供應商。 07年,他隻身來港,以七百萬在九龍灣購下一個工業大廈單位做辦公室,開拓東南亞業務,中國、印度及巴基斯坦等地都有廠房。

投資眼光獨到的 Kenneth,當年斥資二千多萬購入何文田半山一號單位自住,現已升值四千多萬。除了經營家族生意, Kenneth今年亦於比利時開了第一間個人名下酒店,進軍酒店業。

其家族生產的紡織品。

Kenneth在比利時開的酒店,走高檔路線。

異國情

唔少娛圈女星特別鍾情外國情人,在另一半影響下,也會變開放浪漫,所以異國情,會特別火辣。

孫佳君

已是兩子之母的孫佳君,去年撻着米芝蓮大廚 Olivier Elzer,二人不避嫌在男友主理的餐廳打茄輪互摸,她甚至自爆拍拖撐枱腳時,可以一餐飯嘴足五十幾次,勁豪放。

周汶錡

被法籍老公 Julien感染的周汶錡變得浪漫,去年她 40歲生日,老公搞懷舊派對扮搖滾樂手,高貴的周汶錡亦難得放肆,表演枱上舞。

梁詠琪

跟西班牙籍的 Serigo一見鍾情,認識半年,男方已求婚三次,最後轉向岳母提親, GiGi終被打動,而 Serigo更特登為老婆由西班牙調職到香港返工,兩公婆經常公然錫錫晒愛。

撰文、攝影、攝錄:娛樂組

鍾意就快D Share啦!