2015年11月19日 星期四

喪妻前寫定承諾書 老公 5年姦情揭發 司馬燕一死即娶 [壹週刊 - 1341] :),司馬燕,M1,

Togi人前是好老公,但原來五年前已搭上司馬燕好友 Summer,在妻子抗癌期間繼續瘟小三,讓她身心受盡折磨。 娛頭 喪妻前寫定承諾書 老公 5年姦情揭發 司馬燕一死即娶 一二年十月確診患上胃癌的司馬燕,今年一月中病逝,抗癌期間, ...


Togi人前是好老公,但原來五年前已搭上司馬燕好友 Summer,在妻子抗癌期間繼續瘟小三,讓她身心受盡折磨。

娛頭

喪妻前寫定承諾書 老公 5年姦情揭發 司馬燕一死即娶

一二年十月確診患上胃癌的司馬燕,今年一月中病逝,抗癌期間,老公 Togi(吳忠義)在病榻前照顧,一副絕世好男人樣!萬料不到,原來他早在五年前已搭上老婆好友 Summer Sun(孫君子),得悉姦情後,司馬燕大受打擊,更屈出癌症。

據了解, Togi同 Summer一直冇斷纜,甚至司馬燕留院期間,他仍不時飛北京會小三,讓病妻身心受盡折磨。最可怕是老婆未死, Togi已向 Summer簽下承諾書,聲明等司馬燕一死即娶她。情深老公原來是宇宙賤男,心寒!

搭上老婆好友

為了兩個仔,司馬燕一直努力抗癌,切胃後又因為腸腎衰竭和膽管閉塞,前後捱過六次大手術,體重跌至五十磅。捱刀不痛,讓她承受最痛的並非來自肉體痛苦,而是老公的背叛。

五年前, Togi被公司調到北京工作,司馬燕隨夫舉家北移,並在當地認識了一個年約廿多歲、名叫 Summer的內地女子,向來好客的司馬燕,往後在家中搞派對,都有邀請對方參與,結果引狐入室,讓對方有機可乘。

「 Summer屋企都好有錢,個樣唔係天香國色,但個人好攻心計同好勝,佢一開始就睇中 Togi。佢先係同 Michelle(司馬燕) friend咗,又扮晒大姐姐接近兩個仔;之後每次出席 Michelle嘅飯局,佢都會打扮性感,愈著愈低胸。 Michelle一二年發現佢哋有嘢嗰陣, Togi同 Summer已經搞埋兩年,但佢份人報喜不報憂,得好少朋友知有咁嘅事。受咗咁大打擊, Michelle瞓唔到就飲酒,有時同朋友呻又飲,屈住屈住,慢慢覺得個胃唔舒服,一睇醫生就確診胃癌要切胃!」司馬燕友人說。

情婦 Summer上載跟 Togi的 sweet相,更稱他為 husband,以老婆自居。

五年前司馬燕隨老公搬到北京居住,認識了內地女子 Summer,引狐狸入屋,老公都被她勾埋。

生前代夫道歉

老婆屈出癌症,但 Togi沒同 Summer斬纜,反而來往得更密,將司馬燕推向更深淵。

「 Togi係兩個仔心目中嘅好爸爸, Michelle唔想影響佢哋,一直扮冇嘢。 Summer知 Michelle患癌,就一直等佢走,想自己做正印。當時 Togi想返香港做嘢,於是透過一個女 job hunter搵工,點知 Summer咬定兩個有路,由一二年騷擾對方到而家。呢件事 Michelle都知道,生前仲為 Togi打過電話俾對方道歉,做到盡,呢啲老婆邊度搵! Michelle補鑊, Summer就專搞破壞,試過去 Togi公司搞事,令佢工都冇埋,所以舊年 Togi話想自己做生意。」

事實上,自一二年至今, Summer為防小四,只要同 Togi稍有聯絡的女性友人,一律被她騷擾。為滿足醋意勁濃的她,去年中,司馬燕仍在生時, Togi已簽下承諾書,表示等他回復單身後,必定娶 Summer為妻,條件是 Summer要應承不騷擾他的家人和朋友,不會到他任職的公司,令他尷尬。

但今年一月,司馬燕病逝後,由於 Togi未有公開關係, Summer又思疑他有小四,繼續不停騷擾他身邊的女性朋友,鬧人搶她「老公」,行為癲喪!被牽連的包括司馬燕好友周美鳳和她的朋友 Jeana(何佩瑜)、洪欣及幾位圈外朋友。

起誓娶小三

去年中司馬燕病重時, Togi繼續瘟小三 Summer,更簽下承諾書,表示待他回復單身後,會照顧和迎娶她。而 Summer亦應承不會騷擾他的家人和朋友,同時不會在他的公司出現,也不會做出任何令他尷尬的事。

Summer在網上向 Togi發出愛的宣言,自爆跟他已有五年情,但用心心圖案遮住 Togi個樣。

Summer回覆本刊時,直認跟 Togi已訂婚。

Summer為得到 Togi,不惜向他兩個仔入手,努力扮 friend。

深情丈夫原來是賤男一名,冧足愛拋胸的有米北妹 Summer五年,司馬燕一直死忍。

騷擾周美鳳

據周美鳳表示,因為受 Summer騷擾,她才知道 Togi的姦情。被 Summer唱衰和 Togi有路的她,雖然得到老公信任,但工作和名聲大大受到影響。

「呢半年有十幾二十個女人俾 Summer搞過,所有 Togi接觸過嘅女性,佢都搞。我咁耐冇出過聲,因為 Michelle過咗身,我要尊重佢,其次係人哋家庭事,唔應該多講。但對佢老公識咗個咁嘅女人, I felt so sorry,佢( Summer)應該有精神病!」周美鳳說。

之所以被 Summer誤會,全因在司馬燕喪禮後,周美鳳出於關心,約了大班朋友陪 Togi父子行山,之後,她便受到來自 WhatsApp、 SMS、 Line和電話爆粗騷擾。

「 Summer今年五月 send咗佢同 Togi嘅合照俾我,當時我同佢講點會搶你個 Togi;我亦同 Togi講過,我好唔開心,因為戥我朋友(司馬燕)唔抵,原來你搞啲咁嘅嘢。我希望兩個當事人自己搞掂佢。我話 Togi你係男人,唔該行出嚟;但佢叫我報警,我覺得佢好不負責任。 Summer唔只搞我,仲要搞我身邊朋友,發晒俾所有大陸傳媒,而家勾人老公係佢呀!」

周美鳳無辜被牽連在 Togi與 Summer一段孽戀中,由今年五月至今,被 Summer每天從不同的途徑騷擾及出言誹謗,忍足半年終於爆發,要出言澄清事件來龍去脈,她更直指司馬燕的癌症是屈出來。

司馬燕人緣甚好,報喜不報憂的她,沒有將老公出軌偷食的事向老友透露,保住他的好男人形象,傷心反而一力承擔,最終屈出病。

由於 Summer不斷在微博製造謠言,令到周美鳳忍唔住向 Togi及 Summer還擊,以正視聽。

本週一(十六日), Summer在微博發難,更 tag了內地傳媒,刻意唱衰周美鳳,甚至拖埋 Jeana落水,亂話她們勾其「老公」。

行山惹禍後,周美鳳與 Togi到觀音廟祈福,希望他能反省過錯,對好友有個交代。

小三 Summer愛作性感打扮,電到 Togi暈得一陣陣。

最佳男主角

對於司馬燕生前已知丈夫的姦情,含恨而終,周美鳳直指她的病是屈出來。

「我好 felt sorry for Michelle同佢兩個細路, Michelle忍耐力高我好多,因為唔係一朝一夕㗎(估唔到 Togi係咁!)我直情覺得佢可以攞最佳男主角,不過喺 Michelle接受治療期間,呢個男人的確付出好多;當時覺得佢係好好嘅丈夫,但當件事揭穿後,我覺得佢哋第一係孽緣,第二識人要小心。如果 Michelle唔係咁熱情好客,成日請朋友返屋企食飯,就唔會引狐狸入屋。」周美鳳說。

Summer在 WhatsApp稱 Togi為 husband, Togi的 WhatsApp頭像仍是跟司馬燕的合照, Summer叫 Togi同周美鳳( Lelia)歡好, Togi話誰喜歡跟老女人搞嘢,於是她叫他可同 Jeana(何佩瑜)及其他女人歡好, Togi就話自己跟她不同,不會到處搞嘢。

周美鳳叫 Summer不要再傳短訊給她,表示跟 Togi根本不相熟,若 Summer繼續騷擾她,她會報警,但小三 Summer竟然話自己已經報警,又亂話周美鳳勾引 Togi。

周美鳳要求 Togi向 Summer澄清二人關係, Togi指已講過,但表示對方有妄想症和精神病,完全不受控制,會拒絕她的要求,同時離她有咁遠得咁遠。

直認早已訂婚

本刊聯絡上 Summer,她直認跟 Togi早已訂婚。講到司馬燕生前是否知道她跟 Togi的關係,她避而不談,更轉話題繼續鬧周美鳳。「我奉勸她(周美鳳),好自為之!別惹惱了老婆們!」以老婆自居,真離奇!但問到她覺得有負司馬燕嗎?她並沒回應。

為了兩個仔,司馬燕一直力抗癌魔,體重跌至五十磅仍不放棄,誰知她當時最難受的是丈夫的姦情。

司馬燕離世後, Togi為她舉行追思派對,當時他笑容滿面,一副如釋重負的樣子,原來是想到可跟情婦 Summer雙宿雙棲。

五年前 Togi到北京工作,司馬燕(中)在當地認識了不少朋友,經常請他們回家吃飯, Summer亦因此能入屋勾 Togi。

月前 Togi跟周美鳳和友人行山後,即去陪 Summer沙灘漫步,她 post相上網,更話永遠愛他。

強國高手

內地女子出名高手段,落手無底線、無極限,幾激都做得出,一般港女,根本招架不來。

潘霜霜

一直堅稱單身的林峯, 11年 3月斷正俾擁有 36D巨乳的強國 model潘霜霜。事緣對方自拍與 chok峯在帝景園寓所同床瞓覺相,相中的峯少熟睡口擘擘,床照流出後,潘霜霜出入林峯寓所,自己公開正印地位。

姚笛

去年 3月,內地女星馬伊琍為文章誕下第二胎,坐月之際,男方卻被拍得背妻與內地女星姚笛繑手蜜遊香港、深圳,婚外情斷正。原來二人於 13年 7月已搭上,姚笛更早已搬往文章附近居住,僅一馬路之隔,方便偷情。

撰文、攝影、攝錄:娛樂組

鍾意就快D Share啦!