全城熱爆的娛樂八封新聞 & 時事趣聞 & 生活 + 趣聞
大家睇吓，陳司翰捉住女友個款，幾似押犯。
緣分兩個字，真係大晒！睇吓拿督女細孖莊思明（大家姐莊思敏、大孖莊思華），同比自己老十歲嘅 Kelly細佬陳司翰拍拖，兩個可以喺澳門嘈交郁手驚動司警，男友又試過偷食台灣 E奶混血模，四年來四分四合，不停翻撻。
早個禮拜，陳司翰同女友去數碼港睇 Tom Hanks新作《換諜者》十點場，莊思明買完嘢飲再去扱定泊車飛，男友入場先。睇完戲去攞車，陳司翰全程捉實女友手臂行，係捉唔係拖，十足差人押犯咁！比起天后家姐， 38歲陳司翰除咗個樣似，其他都大落後！
陳司翰買飛，莊思明買嘢飲，分頭行事。
唔使男友等，莊思明扱完泊車飛自己入場。
老遠見到司機就到， Kelly老豆幫坐喺輪椅嘅老媽子放對腳落地，準備上車。
已經做咗兩任外公嘅 Kelly老豆陳崇偉，陪媽咪去中環睇醫生，之後服侍老人家上埋車先自己走。
撰文：八珍
