掃呢頁CODE去手機

2015年11月19日 星期四

上山阿徐各有長短 [壹週刊 - 1341] 阿徐,M1,徐濠縈

同你吟一吟 上山阿徐各有長短 好嘢係唔應該收收埋埋,所以無論係晒身材定晒碼頭,八珍都絕對支持,自己冇,睇吓人哋嘅都好。 ...


同你吟一吟

上山阿徐各有長短

好嘢係唔應該收收埋埋,所以無論係晒身材定晒碼頭,八珍都絕對支持,自己冇,睇吓人哋嘅都好。

身材好,唔一定係單講事業線有幾深幾長,就算係波板,只要均勻,一樣掂!好似 Eason嫂徐濠縈,生得唔高亦冇乜胸,勝在平均又識襯,有日《壹》仔喺中環見到出「分」唔出「分」,都著到雀咁嘅佢,閃銀撞黑,側空長裙露短褲見腳,優化唔夠高缺點。

41歲 Eason嫂潮流行先,已經 50歲嘅上山詩鈉就更加識得將自己身上強項展示人前,白 tee短牛仔褲襯窩釘 boots,人高腳長,型爆!

腳長腳短,各有晒法,大台啲姐仔,唔該學吓!

已經五張嘅上山詩鈉人高腳長,型爆打扮勝過唔少後生女。

日光日白閃銀撞黑,篤住電話等司機接嘅徐濠縈露出一條腿,補番唔夠高之不足。

撰文:八珍

鍾意就快D Share啦!