全城熱爆的娛樂八封新聞 & 時事趣聞 & 生活 + 趣聞
驚爆離婚嘅關之琳，喺台灣主動引爆曾經正式做過陳泰銘太太秘密後，連隨就起程飛去日本遊埠散心。自稱離婚後冇喊過嘅之之，將做「地下人妻」嘅委屈化為力量，五日四夜東京大出血，買個你死我活。
上星期三（十一月十一日），夜晚八點半，之之單拖返到香港，一個大篋出發，回程多咗四個大紙箱，出閘後，司機第一時間撲上前，接手推行李；預咗同行李分車走嘅之之，就急急腳行去機場富豪酒店，坐另一架七人車返跑馬地樂活道新居。女人，開心唔開心，都會 shopping，回復單身嘅關之琳，更加要重手置裝，為第三春做好準備。
自己推住一大車行李出閘嘅關之琳，交低行李車俾司機，即閃。
關之琳戴住口罩遮剩對大眼，行去上車沿途不停講電話。
行李同人各一部七人車，關之琳先一步返跑馬地新居。
因為唔想刺激前妻同一對孖女，陳泰銘將關之琳「低調處理」，連正式做陳太都唔講得，導致二人離婚收場。
撰文：八珍
