全城熱爆的娛樂八封新聞 & 時事趣聞 & 生活 + 趣聞
Yumiko同店員講解想搵啲乜同要幾高嘅盆栽植物。
上星期二（十日）， Yumiko同老公梁學儲專登由清水灣揸車出去旺角花墟一轉，為屋企買風水盆栽。Yumiko目標清晰，想要邊類型同幾大盆，逐一同店員講清講楚，睇咗半個鐘多啲，就搵啱心水，店員紮好盆底幫手搬上車，大半個鐘走得。
囡囡梁浸浸出世因為呼吸問題要瞓氧氣箱，而家七個幾月大，除咗每個月覆診一次，仲係要日日食藥，不過 Yumiko話 B女肥肥白白，只係小問題，自己除咗湊女，首要任務係減肥，仲要瘦多十磅至達標。計我話，比 Yumiko更加需要減嗰個係佢老公，舊年九月擺結婚酒到而家， Andy好似吹脹咁，老婆坐月補品，佢肯定有份食。
最後揀咗盆分兩層嘅風水樹，店員紮好盆底再搬上車。
話自己仲要減多十磅先達標嘅 Yumiko，應該捉埋老公 Andy一齊減。
撰文：八珍
