網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2015年12月17日 星期四

欣宜革命 秋官官晶華一家親 [壹週刊 - 1345] __,秋官,官晶華,欣宜,鄭少秋,M1,

同你吟一吟欣宜革命 秋官官晶華一家親不覺肥姐沈殿霞已經走咗接近八年,當時仲未夠廿一歲嘅欣宜,如今已經滿廿八歲,有毛有翼,早就唔再睇媽咪臨終交託佢俾auntie陳淑芬台戲。行動革命!欣宜第一步係要做番自己,唔節食拒減肥,話俾大家知,肥姐紅咗一世,冇減過肥,佢都可以。除咗外觀,最具衝擊嘅革命,其實係老豆鄭少秋。秋官為咗官晶華拋妻棄女,欣宜仲係手抱BB,佢已經離婚再娶,父女情薄,但欣宜唔計較,主動同老豆 ...


同你吟一吟

欣宜革命 秋官官晶華一家親

不覺肥姐沈殿霞已經走咗接近八年,當時仲未夠廿一歲嘅欣宜,如今已經滿廿八歲,有毛有翼,早就唔再睇媽咪臨終交託佢俾 auntie陳淑芬台戲。

行動革命!欣宜第一步係要做番自己,唔節食拒減肥,話俾大家知,肥姐紅咗一世,冇減過肥,佢都可以。除咗外觀,最具衝擊嘅革命,其實係老豆鄭少秋。

秋官為咗官晶華拋妻棄女,欣宜仲係手抱 BB,佢已經離婚再娶,父女情薄,但欣宜唔計較,主動同老豆修好。

早個禮拜日,闊太 auntie同屋企人去飯堂利園一期西苑開飯,走嘅時候,喺𨋢口見到秋官一家四口,欣宜亦有一齊,過冇耐,撞埋神級發哥發嫂同另一班人走。

Auntie話兩家人握晒手又逐一同發哥 selfie,𨋢到都冇件事,八珍冇相提供俾大家,但就喺網上搵到欣宜同發哥合照。

媽咪走咗, open mind嘅欣宜自己話事,融入官晶華同兩個同父異母妹妹生活。欣宜可唔可以好似肥姐咁紅,八珍唔知,但我覺得應該 support佢!

老媽子剩落唔少,欣宜有瓦遮頭,出入亦有司機接載。

喺西苑撞到發哥當晚,欣宜係同鄭少秋一家四口飯聚。

秋官守規矩,企定等紅公仔轉燈。

秋官同官晶華由時代廣場行返禮頓山屋企,途中發現買漏嘢,官晶華行返轉頭去雲吞麵鋪。

撰文:八珍


鍾意就快D Share啦!