網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2015年12月17日 星期四

發哥劉華話事 《賭城風雲 3》女角全大茄 [壹週刊 - 1345] __,發哥,劉德華,劉華,周潤發,M1,

探熱針發哥劉華話事 《賭城風雲3》女角全大茄《賭城風雲2》去年在賀歲檔大收11億人仔,食住條水再拍第三集,除了鐵膽發哥、冧庄的張家輝外,又加入刀仔劉華及張學友,投資陣容同樣加碼;不過人多意見多,本來跟劉華有談情戲,女角之一的晶女郎胡然,亦臨時被刪戲,女角變大茄。大星片酬過億《賭城風雲3》卡士爆燈,刀仔劉華會再度回歸,跟師父發哥拍住上,張家輝亦接埋契大佬張學友加入,四條king陣容,單是片酬已超過一 ...


探熱針

發哥劉華話事 《賭城風雲 3》女角全大茄

《賭城風雲 2》去年在賀歲檔大收 11億人仔,食住條水再拍第三集,除了鐵膽發哥、冧庄的張家輝外,又加入刀仔劉華及張學友,投資陣容同樣加碼;不過人多意見多,本來跟劉華有談情戲,女角之一的晶女郎胡然,亦臨時被刪戲,女角變大茄。

大星片酬過億

《賭城風雲 3》卡士爆燈,刀仔劉華會再度回歸,跟師父發哥拍住上,張家輝亦接埋契大佬張學友加入,四條 king陣容,單是片酬已超過一億。

「(王)晶哥對《賭城 3》好有期望,票房目標係十五億,所以加多咗幾個大卡士,發哥同劉華已經好多年冇合作過,兩個人喺片場拍得好開心,好多時都會俾意見,愈拍愈有癮!因為場場都有大星,晶哥日日都要出現,如果冇佢喺度,根本冇人控制到場面。」片中工作人員說。

四條 king都有意見,男人世界,女角只有靠邊站,就連女一劉嘉玲,都被安排出場未幾,就要消失。

吃得開的嘉玲姐,雖然今部戲出場未幾已死,但袋足一部戲片酬,她自言賺得輕鬆。

發布會當日,胡然(後排左四)雖然唔係企第一排,但都安排在發哥身後搶眼位置。

發哥跟劉華 25年後再合作,未正式拍攝,二人已經跟在戲中飾演龍五的向華強玩自拍。

同關淑怡一樣

「嘉玲姐睇得好開,仲話部戲拍得唔辛苦,係咁意做吓,瞓喺度都賺到一部片酬好輕鬆。不過啲新人就唔會好似嘉玲姐咁識諗,難得可以同發哥劉華合作,好似胡然本來係劉華女友,都突然被通知唔使拍,原來係劉華想多啲個人發揮,入面啲感情戲 cut晒。不過晶哥轉數快,胡然雖然冇咗好多戲,但海報就有得出現,就算只係排到最尾一個,不過有成班巨星襯住,都叫有補償。」知情者說。

胡然有得留低,但擁 36E的崔碧珈就冇咁好彩,因大粒星戲重,有份客串的她最終被剪到消失,情況同當年關淑怡拍《春光乍洩》一樣。

海報有兩款,一款有女角,其中低胸胡然(右一)露事業線,叫做最有睇頭。

另一款則只有四條 king,發哥同劉華企中間位。

崔碧珈(中)有份出席發布會,但據知最後戲份被完全刪走,而身旁的鍾采羲(左二)亦變串星,戲份大減。

晶女郎胡然有樣有身材,王晶十分睇重,之前已經安排她在《古惑仔》孭重飛做女一。

鬥多星

《賭城風雲 3》多巨星,同期賀歲片對手亦十分強勁,除有賀歲檔贏家周星馳外,亦有近期孔雀開屏的郭富城夥拍鞏俐,套套鬥多星。

《美人魚》

向來都是票房保證的星爺,前年的《西遊.降魔篇》在內地收 12億人仔,磨刀蓄勢待發,星爺今年重鎚以特技為主的《美人魚》,由鄧超、林允孭飛。

《西遊記之三打白骨精》

前年鄭保瑞執導的《西遊記之大鬧天宮》已經賣個滿堂紅收 10億,繼續食西遊記題材,今鋪由人氣郭富城及鞏俐擔正。

《 Z計劃》

好耐冇拍戲的黎明,將近年醉心研究紅酒的心得搬上大銀幕,首次執導兼主演一部以紅酒買賣場引發家族爭鬥的賀歲片,卡士有實力張涵予以及 24億票房女星白百何。

撰文、攝影、攝錄:娛樂組


鍾意就快D Share啦!