網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2015年12月17日 星期四

跟脊醫 23年 冇名冇份冇錢 葉子楣密謀復出 [壹週刊 - 1345] __,M1,

退出娛圈廿多年,葉子楣靠日做千下situp保住身材,她自信對記者說,現時體重90磅,大髀得14吋。娛頭跟脊醫23年 冇名冇份冇錢 葉子楣密謀復出「波霸」葉子楣,92年為脊醫男友呂錫照逐漸淡出,一起23年,望五張的她,無名無份冇錢過手,二人同居的蔚豪苑,亦是葉子楣退出前以千萬自置的物業,相反,男友手持的二千多萬「診所」單位以及旗下名車,全數有與前妻所生兒子名;近日有指二人感情轉淡,葉子楣密謀復出。據 ...


退出娛圈廿多年,葉子楣靠日做千下 sit up保住身材,她自信對記者說,現時體重 90磅,大髀得 14吋。

娛頭

跟脊醫 23年 冇名冇份冇錢 葉子楣密謀復出

「波霸」葉子楣, 92年為脊醫男友呂錫照逐漸淡出,一起 23年,望五張的她,無名無份冇錢過手,二人同居的蔚豪苑,亦是葉子楣退出前以千萬自置的物業,相反,男友手持的二千多萬「診所」單位以及旗下名車,全數有與前妻所生兒子名;近日有指二人感情轉淡,葉子楣密謀復出。

據本刊觀察,兩人大部分時間各顧各,葉子楣每日孤獨行山,提到現時感情關係,她開腔剖白:「相處唔係咁簡單!各有各空間會舒服啲!」對於復出一事,波霸霸氣說:「一做就唔會客串」

男友抗拒結婚

息影超過二十年,葉子楣歸隱不出席公開場合,洗盡鉛華,但原來和脊醫男友呂錫照同居二十三年,一直未婚。

「呂醫生結過婚,同前妻生嘅仔依家都廿幾歲,試過婚姻失敗,所以佢好抗拒再婚,同 Amy(葉子楣)一齊咁耐,都冇結婚打算, Amy好就得男友,就算有過結婚衝動,但當時男友唔想,佢都冇勉強!」葉子楣友人說。

一代艷星葉子楣願意賣弄身材,卻堅守三點不露;對感情,更加專一,鮮有緋聞的她,與呂錫照即使曾經分開過,但很快便再復合。

「 Amy係個好聰明嘅人,當年以『波霸』走紅,拍戲又好,同傳媒影相又好,從來唔介意剝衫攞個心口出嚟,不過去到後期,佢好厭倦,唔想再除衫俾人睇,加上識咗呂醫生,更加下定決心唔做。」

23年感情淡如水,兩人吃麵以至吃甜品,都你有你食,我有我食,葉子楣不是㩒手機就是講電話。

「波霸」葉子楣,除了身材勁,亦語出驚人,巔峯期更曾為一對豪乳買保險。

一個人活動

呂錫照是香港著名脊醫,也是中港澳脊醫學會主席,在香港和澳門都設有診所;十多年前,呂錫照曾與兄長在澳門投資餐廳及賭場,但近年生意不景,已經結業。

「幾年前呂醫生滑雪跌傷,差唔多停咗幾個月唔開得工, Amy雖然一直好照顧男友,不過嗰次受傷之後,兩個人開始少咗好多社交活動,關係亦慢慢變得疏離,呂生本來就係個內向嘅人,唔多鍾意講嘢, Amy同佢相處,都唔容易。」葉子楣友人說。

連日來,本刊發現呂錫照大部分時間一個人行動,吃晚飯、睇跌打、去買衫,單獨一人。

上月,呂錫照收工離開診所,一個人到銅鑼灣景隆街食拉麵,之後再轉去百德新街食甜品。

至於葉子楣,差不多每晚都獨自去跑步徑做運動。據了解,一度發脹肥了三十磅的她,每天必做千下 sit-up,體重長期保持在九十磅,身形纖瘦,但胸前仍然偉大。

離開娛樂圈,葉子楣打扮樸素,出街零妝,真面目示人。

上月 22日,葉子楣一個人去了中環蘭桂坊一間餐廳,約半個小時離開。

二人一前一後行,冇拖手冇身體接觸。

財政獨立

本刊觀察了三個星期,兩人只曾在十一月二十三日同外出晚飯,沒有浪漫燭光,去番呂錫照幫襯過的拉麵店及甜品鋪,生活有幾單調,可想而知。吃麵期間,葉子楣亦自顧講電話。

本週一(十二月十四日),葉子楣如常到跑步徑做運動,對於一直未有和男友結婚,她表現無奈:「都係一張紙啫!以前有過衝動,都無結,依家咁耐,都唔需要」

同居廿三年,葉子楣體會良多。

「我覺得感情要互相包容、體諒,兩人相處唔係咁簡單,佢好靜,唔係好鍾意我同其他人一齊,咪二人世界多啲囉!耐咗,係有啲悶,但大家各有各自己空間,會舒服啲!」

當年靠一對「胸器」橫行,未夠三十歲,已經收夠籌可以引退唔撈,時至今日,葉子楣依然靠自己。

「開聯名戶口我唔會!女人要獨立,但一齊佢都要養我㗎!」

每晚飯後,都會外出到緩跑徑運動個多小時。

行街 shopping,呂錫照只睇男裝。

Keep住九十磅

提到是否打算復出,葉子楣講得好坦白:「我唔會封咗自己條後路,將來嘅嘢冇人知,但一係唔出嚟,一出嚟就唔會係客串。」波霸霸氣,返晒嚟!

晚上天氣寒涼,著住厚褸包住身材的葉子楣,大方攞出手機,展示她穿著喱士衫的性感近照。

「呢張相我有九十幾磅,依家就 keep住九十磅,家姐阿哥都話我太瘦,但我覺得自己好健康。每朝七點起身,會做一千下 sit-up,以前可以四十五分鐘做晒,依家年紀大咗,要分三次做,做完三百幾下,食咗早餐再做過。」

人不在娛樂圈,但對娛樂圈依然了解。

「我有睇晒所有新聞,時事、娛樂、資訊,依家咁多𡃁模,我出返嚟,咁多點鬥呀!」葉子楣說。

葉子楣退隱後,不時被拍得在淺水灣放狗,她說兩隻狗狗都已經離世,至今仍十分難過的她,揚言以後再不會養狗。

葉子楣大方向記者展示手機內不少相片,當中包括這張穿喱士衫的近照。

拍拖初期,呂錫照亦有陪葉子楣出席友人婚宴。

陪女友食拉麵的呂錫照, 12月 3日,約了一女性朋友到置地廣場吃晚飯。

呂錫照生活沉悶,每晚離開醫務所後,多數一個人吃飯或買嘢。

一代波后

現年 49歲的葉子楣,是香港影圈一個傳奇,人稱「波霸」, 85年參加亞洲電視訓練班入行,拍過《三世人》、《胭脂淚》等劇; 88年簽嘉禾轉攻電影, 91年憑三級片《玉蒲團之偷情寶鑑》,一脫而紅,憑其 H cup上圍,紅遍台港兩地。

肯露肯捱的葉子楣是片商的搶手貨,曾有人出價八百萬,要求她露點演出,但葉子楣一直堅持三點不露,更表示「三點」只留給未來老公。其後認識了脊醫呂錫照,火速封胸淡出。

艷星輩出

九十年代,香港影圈艷星輩出,除了波霸葉子楣,還有波后葉玉卿、彭丹、利智等,均是波壇經典。

利智

一代乳神利智, 86年亞洲小姐奪冠入行,除了「唔鹹唔淡」的廣東話, 36E上圍及 22吋蠻腰均是招牌。出道六年拍過多部電影,包括《靚足 100分》、《老虎出更》等,在電影《七年之癢》中,她以火紅泳衣濕身演出,掀起熱話。 89年,利智與李連杰合作電影《龍在天涯》撻着, 92年,宣布淡出娛樂圈, 99年二人在美國洛杉磯結婚,並育有兩女。

翁虹

現年 47歲的翁虹, 89年亞洲小姐冠軍,受亞視力捧拍過多套電視劇,其後轉型接拍三級片如《擋不住的瘋情》、《滿清十大酷刑》等,大膽演出令其人氣急升。離過婚的她, 07年與百體健康科技總裁劉冠廷再婚並誕下一女,現居上海做少奶。

葉玉卿

85年亞姐季軍葉玉卿, 91年連剝三片,包括《我為卿狂》、《白玫瑰》和三點盡露的《卿本佳人》,一脫成名後立即轉型做司儀、出唱片,成功入屋。 96年,葉玉卿下嫁美國華裔商人胡兆明,年前破例答應曾志偉,復出拍賀歲片《 2013我愛 HK恭囍發財》。

彭丹

擁有 36F驕人身材的彭丹號稱「波神」,騎呢招有「朝天一字馬」、「拱橋」,胸行先的她在電影《狼吻夜驚魂》中豪放演出,成為一時佳話,同葉子楣一樣,多年來堅持三點不露,轉戰內地多年的她,專拍愛國電影。

撰文、攝影、攝錄:娛樂組


鍾意就快D Share啦!