變態老公將老婆玉照放上網，惹來網民熱論。
爆壹爆
變態老公 直播老婆沖涼
有手下來電報料，話見到呢排喺成人討論區，有一個網名叫 Roger嘅網友好出位兼變態。呢條友最近先後開咗幾個 post，都係講佢點樣偷拍自己老婆沖涼過程。由於好多網民留言，呢個 Roger愈玩愈激，之後除了會 post偷拍老婆艷照外，竟然仲賤格到趁老婆沖涼時，企喺浴室，一邊扮講電話，暗中開咗個微信視頻通話功能，將老婆沖涼過程，全程直播俾網友睇。嘩，你咁都得？另外，佢又不時走上天台，偷拍對面樓嘅女鄰居艷照，再放上網「些牙」。
為睇真呢個世紀賤男，爆哥假扮同道中人搵佢出來見面。上星期，相約喺佐敦會面。 Roger年約三十七歲，戴住眼鏡，外表都唔似變態佬。但佢一坐低，就好心急分享佢偷拍經歷，直認其他男人睇自己老婆裸體，佢反而會好興奮，爆哥聽到都心寒，呢個世界真係乜人都有。佢又話老婆唔知佢咁做，如果知道一定會殺咗佢。所以佢話每次都會小心行事，將部手機放喺洗手間隱蔽位置，又會用膠紙遮蓋手機反光位，完全係一名偷拍狂。
之後，變態 Roger忍唔住，懶理當時餐廳好多人，竟然當場播放偷拍片段俾爆哥睇，除咗偷拍沖涼外，仲有同老婆嘅性愛片，內容好似四仔咁，極度變態噁心。最離譜係，變態男竟然連老婆細妹都唔放過，偷拍姨仔如廁，再俾網友睇。做佢老婆，真係陰功豬囉。
的士姐神秘燒黃紙
近排的士呢行多咗躁漢，郁啲就用千斤頂扑爆行家架車，仲打到爆晒缸，你都咪話唔驚，爆哥都試過坐的士和司機差點動手，都係為咗句好無聊嘅戲言。
不過爆哥就覺得，唔係個個都咁火爆嘅，話說觀塘雲漢街有個的士姐，每逢初一、十五都會燒衣，佢一手拎化寶爐，一手點着有紅色朱砂字嘅黃紙，圍住架的士轉一圈，口中唸唸有詞。佢唔只幫自己部的士作法，仲愛屋及烏，幫成條街的士行家作福，爆哥行埋去問佢點解有呢個習俗，的士姐話：「想人車平安啫！」咁又係，大家都係出嚟搵食，出入平安至為重要。爆哥轉頭問其他的士司機有冇依照的士姐方法保平安，問十個的士大哥，十個都話未見過呢個神秘儀式喎！真神奇！
14K鬍鬚勇低調慶生日
爆哥出得嚟行，夠膽講一句，江湖中做人最真誠嘅當數 14K鬍鬚勇，唔妥你就天王都冇面俾。江湖大佬年年唔去遊埠，都要去飲 14K鬍鬚勇每年餐壽酒，鬍鬚勇例牌喺尖沙咀香格里拉酒店擺一百幾十圍， O記會例牌到場封路檢查。
但係今年唔多覺鬍鬚勇派帖喎，好多江湖人士都議論紛紛，事關鬍鬚勇不知不覺抗癌十年，由初頭確診腸癌，後來發現擴散至肝胃，出入醫院做手術，你都咪話唔辛苦。有鬍鬚勇身邊人就爆料，話佢最近接受化療，由於副作用大，所以佢想專心休養，但今年都有在香拉低調慶祝生日，與家人好友普通食飯，到賀都有司徒玉蓮和尹國雄班老友，崩牙駒入唔到境，都有專登打電話來恭喜一句。
爆哥乜料
金融界撈家，穿梭黑白政商界，朋友遍布旺角至中環，每星期都八到
唔同料，同《壹》仔讀者過吓癮！
|
鍾意就快D Share啦！
|
|
|