掃呢頁CODE去手機

2016年2月25日 星期四

張繼聰閃避莊思敏 [壹週刊 - 1355] __,繼聰,莊思敏,張繼聰,M1,

在《幕後玩家》中,莊思敏同張繼聰有不少對手戲。娛樂偵訊張繼聰閃避莊思敏因被王宗堯干涉角色問題,曾與對方隔空互片的莊思敏,最近在王晶女王子涵搭路下,終於一嘗做大台姐仔心願,在新劇《幕後玩家》做黃宗澤孖生家姐。大台論資排輩,莊思敏拍劇分外規矩,劇組拉隊去九龍城廣場拍外景,Jacquelin提早45分鐘就到,又攞住劇本勁咪,做好準備。不過,是日有份同場的拍檔張繼聰,全程柄埋玩自閉。前車可鑑,不想步王宗堯 ...


在《幕後玩家》中,莊思敏同張繼聰有不少對手戲。

娛樂偵訊

張繼聰閃避莊思敏

因被王宗堯干涉角色問題,曾與對方隔空互片的莊思敏,最近在王晶女王子涵搭路下,終於一嘗做大台姐仔心願,在新劇《幕後玩家》做黃宗澤孖生家姐。

大台論資排輩,莊思敏拍劇分外規矩,劇組拉隊去九龍城廣場拍外景, Jacquelin提早 45分鐘就到,又攞住劇本勁咪,做好準備。不過,是日有份同場的拍檔張繼聰,全程柄埋玩自閉。前車可鑑,不想步王宗堯後塵,盡量少接觸是上策!

早到咪劇本

屋企有個拿督富爸爸的莊思敏,開工拍大台劇,坐住名下的新款電動車,九龍城廣場門外雙黃線,照落!化定妝、紫頭髮加粉紅頸巾,日光日白,分外顯眼!

早到咗!莊思敏走入商場行日本城打發時間,兜了兩圈冇收穫,再轉去附近的餐廳醫肚,其間莊思敏拎住劇本邊食邊咪,好勤力。在餐廳坐了半個小時,夠鐘落去冒險樂園現場,會合劇組開工。

同王宗堯隔空互片,勢成水火,去年公司周年晚宴大方合照,今年莊思敏企硬連相都唔影。

每拍完一個鏡頭,張繼聰一定第一時間彈開篤電話。

鏡頭外,莊思敏冇人敢埋身,惟有自己在鋪內玩扑傻瓜打發時間。

與王子涵分屬好友,年前莊思敏搞經理人公司,曾將對方收歸成為旗下藝人,安排出騷接 job。

張繼聰彈開

跟劇組到場的張繼聰,應導演要求同莊思敏圍讀對稿,跟住正式埋位,其間除了點頭打招呼,兩人幾乎冇交談過,到導演嗌 OK,張繼聰馬上九秒九,彈開。

拍劇是新手的莊思敏,同幕前幕後未混熟,等埋位時形同透明,惟有戇居居一個人在冒險樂園玩遊戲 hea過。據了解,除了張繼聰,有部分幕後工作人員對莊思敏都刻意疏遠。

「唔係個個都好似王宗堯咁『本事』,日日同佢(莊思敏)嘈!阿聰怕麻煩,避之則吉大家唔想惹是非,所以避得就避!」一名無綫 PA說。

紫頭髮、粉紅頸巾加厚妝,莊思敏的造型好大媽。

有錢大晒!雙黃線落車!

莊思敏早到 45分鐘,行咗轉日本城,再坐低醫肚刨劇本。

王晶女搭路

莊思敏入行超過十年,一直積極擺脫做紙上明星,眼見胞妹莊思明在《愛•回家》飾演 Water向晴一角入到屋,於是四出搭路入大台,最終掹衫尾入到《姊妹淘》做主持。遇着近年藝員逃亡潮,好友王晶女王子涵又做埋大台人,經對方搭路,終於一嘗拍劇滋味。

「 Jacquelin好多年前已經係咁搵機會𢱑入 TVB,但當時大媽樂易玲嫌佢個樣唔靚又多是非,一直都唔肯要佢。」一名無綫人透露。

大小姐好火

大馬拿督女莊思敏,嬌生慣養,大小姐脾氣猛,出道以來,經常與拍檔傳不和,火頭處處。

張名雅

在 J2台播足四年的《姊妹淘》, 13年,張名雅加入,有傳莊思敏不滿拍檔經常 NG,於是借節目改革乘機向監製落藥,叮走對方,並提議由好友葉翠翠頂上。

王宗堯

去年拍攝《導火新聞線》電影版,王宗堯與莊思敏於網上隔空開火,男方在 fb指有人不尊重工作,同老臨冇分別,而女方則還拖大鬧男神「斷人衣食猶如殺人父母」。

蔡慧欣

13年,莊思敏到長隆拍攝特輯,有傳不滿被 34D天使妹蔡慧欣( Gemma)激凸搶晒鏡,於是大出陰招,將對方㩒落水中,令 Gemma飲飽水兼狼狽甩泳衣帶。

撰文、攝影、攝錄:娛樂組


鍾意就快D Share啦!