掃呢頁CODE去手機

2016年2月25日 星期四

江若琳跑狗情人節 [壹週刊 - 1355] __,江若琳,M1,

自己又好,人哋嘅又好,江若琳同啲狗狗一齊跑,玩到拉低口罩。同你吟一吟江若琳跑狗情人節過去一年半,俾經理人公司寰宇告違約嘅江若琳,要為過百萬官司費狂接戲接job,跑到氣咳,只為用上十年時間,到頭來仍欠公司200萬而決定反撲,28歲女,都真係幾硬淨!要密做換自由,江若琳自言已經冇晒時間去搵個Mr.Right,拍拖變成奢侈,情人節,亦只係同心愛狗狗過。二月十四日,江若琳帶住兩隻寶貝狗,走咗去數碼港出面片 ...


自己又好,人哋嘅又好,江若琳同啲狗狗一齊跑,玩到拉低口罩。

同你吟一吟

江若琳跑狗情人節

過去一年半,俾經理人公司寰宇告違約嘅江若琳,要為過百萬官司費狂接戲接 job,跑到氣咳,只為用上十年時間,到頭來仍欠公司 200萬而決定反撲, 28歲女,都真係幾硬淨!

要密做換自由,江若琳自言已經冇晒時間去搵個 Mr.Right,拍拖變成奢侈,情人節,亦只係同心愛狗狗過。

二月十四日,江若琳帶住兩隻寶貝狗,走咗去數碼港出面片大草地玩,人狗一齊跑,又影相拍片,放電一個鐘。

人同人相處,複雜艱深,對貓貓狗狗,只要一點點愛心,回報無限,簡單得多!

同狗狗玩拋波仔,點知狗狗要大唔要細,走去追個小朋友嘅大波波,小朋友見到呆咗,江若琳追上前,捉番自己隻狗。

帶住兩隻松鼠狗狗去公園玩,江若琳同其他狗友打成一片。

同行女子負責揸機影相拍片,人狗玩足一個鐘。

撰文:八珍


鍾意就快D Share啦!