熱爆娛樂: 陳豪陳茵媺　產前出巡 [壹週刊 - 1355] _

2016年2月25日星期四

大仔 Aiden得兩歲，細仔 Nathan舊年二月先出世，嚟緊五月又生第三胎，陳豪夠勤力，豪嫂陳茵媺肚皮冇休息，三個小朋友排住隊，鍾意自己一手一腳湊嘅豪嫂，真係多啲嚟密啲手。

豪嫂勞苦功高，已 ready陪產嘅陳豪，同老婆二人世界去圓方睇戲外，連日來，仲陪住嚟緊有排唔方便出門嘅陳茵媺呢度去，嗰度去。

睇戲開餐

去圓方睇戲，入場前陳豪拖住老婆去買嘢食，二人邊行邊講，神情同肢體語言話俾大家知，佢哋真係好愛。

上星期二（二月十六日），豪嫂約咗幾個朋友喺銅鑼灣茶聚，陳豪提早成個鐘响附近等，其間仲俾差人趕車，之後陳豪將架車兜咗去栢麗酒店附近，再落車去老麥買嘢食住等。

另一日（上星期四），陳豪又陪咗豪嫂去中環買 BB嘢；老公廿四孝，難怪陳茵媺心甘情願做生仔機器！

等足 45分鐘

揸車去接老婆，陳豪等到餓要去買麥記，其間更被差人趕車。

等咗接近大半個鐘，豪嫂同兩名女子終於出現，一齊上車走。

幫 BB入貨

拍拖去太子大廈買 BB嘢，離開遇見大班記者，兩公婆笑晒任影。

落街行去上車，途中遇到錢箱黨，陳茵媺想停低捐錢，好在陳豪醒目拉老婆走。

撰文：八珍

鍾意就快D Share啦！