黃秋生開齋 衞詩雅做慰安婦 [壹週刊 - 1355] __,秋生,衞詩,詩雅,黃秋生,M1,

娛樂偵訊黃秋生開齋　衞詩雅做慰安婦黃秋生「被絕跡」內地影壇已經一年，自嘲是特約演員的他，索性專心搞舞台劇、開班教做戲，間中接拍冇大陸市場的獨立製作，餓唔死！最近又開齋，跟門下學生衞詩雅（Michelle）合作邱禮濤執導新片《失眠》。上週三（二月十七日）下午五時，在戲中要做慰安婦被虐姦的衞詩雅，與助手到中環HMV買影碟，為即將要飛到馬來西亞埋位做定功課，同老師黃秋生做對手，衞詩雅豈敢怠慢。分飾兩角首 ...

娛樂偵訊

黃秋生開齋　衞詩雅做慰安婦

黃秋生「被絕跡」內地影壇已經一年，自嘲是特約演員的他，索性專心搞舞台劇、開班教做戲，間中接拍冇大陸市場的獨立製作，餓唔死！最近又開齋，跟門下學生衞詩雅（ Michelle）合作邱禮濤執導新片《失眠》。

上週三（二月十七日）下午五時，在戲中要做慰安婦被虐姦的衞詩雅，與助手到中環 HMV買影碟，為即將要飛到馬來西亞埋位做定功課，同老師黃秋生做對手，衞詩雅豈敢怠慢。

分飾兩角

首次師徒拍住上，衞詩雅難免緊張。

「 Michelle一直都好恨同師傅合作，秋生話去到馬來西亞埋位時，會邊拍邊教佢嘢，所以 Michelle都好緊張！其實佢拍戲一向唔錫身，今次做慰安婦，要俾林家棟虐姦，但佢話呢啲唔係最大挑戰，反而要一人分飾兩角做對孖妹最難，所以佢呢排係咁狂煲影碟，睇吓有冇嘢可以參考吓。」知情者說。

17/2 5:00pm

Michelle與助手在中環 HMV的 cafe睇雜誌研究髮型。

難得與師傅秋生及前輩林家棟合作， Michelle很重視今次的演出，所以四出找參考影碟，做足功課。

揀了幾隻可以用作參考的西片影碟後， Michelle便埋單離開。

林家棟曾與秋生合作過電影《 A1頭條》，一直希望與他再合作，今次終於得償所願。

冇戲開的日子，秋生拍了無綫劇集《梟雄》，除贏盡口碑，還奪得視帝，大顯他的演戲功架。

「被絕跡」影壇一年的秋生，去年只客串演出兩部電影，其中一部是《 12金鴨》。

冇人敢用

至於黃秋生，「被絕跡」內地後，去年只客串過電影《 12金鴨》及《熱血男人幫》。

「而家啲戲絕大部分合拍片，就算內地單位冇明文講明封殺，但好多人都自我審查，唔敢用佢！今次套《失眠》係自己公司英皇開嘅，亦有部分係馬來西亞資金，題材方面都唔可以入內地，所以冇影響。

「戲中秋生係個為咗保護家人，被迫喺日本佔領香港日子，一個喺慰安所翻譯員，喺當時嚟講，就係漢奸。」知情者說。

今年三十一歲的 Michelle，與拍拖兩年多的圈外男友感情穩定，男友不是富二代，二人更會手拖手搭港鐵，享受平凡的拍拖樂趣。《蘋果日報》圖片

由英皇投資的《暗色天堂》，將於三月上映， Michelle在戲內飾演教友，並跟張學友及林嘉欣有多場對手戲，跟兩位好戲之人合作，令她獲益良多。

早前， Michelle參加內地真人騷節目，其間發生意外墮入冰河，並昏迷了一陣。之後她上載雙腿多處瘀傷的相片，看得令人心痛。

主力在影壇發展的 Michelle，多次作出大膽演出，在電影《前度》中半裸與陳偉霆肉搏一幕，令人留下深刻印象。

各出奇招

秋生門下的蔡思貝得恩師推薦，可以有機會拍到影帝張家輝，繼而被提名金像獎女新人，有辦你睇，門下學生為搏秋生垂青，爭相施展渾身解數。同樣跟過秋生學戲的衞詩雅，冇做多餘動作，照樣被欽點做女一，令唔少人眼紅。

趙碩之　又攬又嘴

趙碩之唔只主動，仲好有腦！睇報導知道秋生攞完視帝想攞埋奧斯卡，專登整個奧斯卡獎送俾對方，夠晒貼心。

顏子菲　埋身鍊骨

顏子菲雖然冇趙碩之咁醒，不過就好識拿捏男人心態，埋身錬骨，一樣有力。

轉戰大馬

佔中期間發聲，黃秋生惹來「封殺」之禍外， 14年發出政治言論而被大陸全面封殺的杜汶澤，亦沒有守株待兔，反而積極衝出香港，轉戰東南亞，與當地導演鄭建國合組 Dream Moon電影公司，開拓馬來西亞的電影市場。另外，杜汶澤去年自導自演的馬來西亞 2016賀歲片《開飯》後，再接再厲構思開拍一部有關跳舞的新片，暫名《跳老舞》，影片同樣會在大馬拍攝。

撰文：八珍

來源 source: http://hk.next.nextmedia.com

鍾意就快D Share啦！

下一篇 》