熱爆娛樂: 賣曲奇賺百萬　欣宜打游擊唔開鋪 [壹週刊

2016年4月21日星期四

賣曲奇賺百萬　欣宜打游擊唔開鋪 [壹週刊 - 1363] __,欣宜,M1,

娛樂偵訊

賣曲奇賺百萬　欣宜打游擊唔開鋪

欣宜逆市同朋友合作賣曲奇，由寄賣到網上訂購再做 pop-up store，唔使半年已賺百萬，成功創業！下一波是五月玩美食車嘉年華，然後繼續打游擊，在各大商場搞 pop-up store，用最少的資源賺最多的錢，醒目欣宜好有腦！

人肉明星效應

之前欣宜在海港城搞曲奇 pop-up store，擺足一個月，每日的貨量都會賣清，除了圈內、外朋友會特登幫襯，亦有唔少街客搵上門，生意好好。

「欣宜初次做老闆娘，落鋪幫手兼做埋人肉布景板，出錢又出力。加上佢真係有人緣，好多明星朋友嚟撐場，海港城又多自由行，明星效應特別明顯。」知情者說。

全天候網絡宣傳

欣宜賣曲奇，主力靠網上宣傳，成本低但宣傳效應高，堅有腦。

即將在 PMQ參加美食車嘉年華，欣宜在網上做自我宣傳。

雖然鄭少秋冇出錢支持欣宜創業，但他親自落店探班，對欣宜來說比錢更寶貴。

本小利大

唔好睇小為期只有三十日的 pop-up store，擺檔一個月，加埋網購，唔使半年，已有百萬進賬，好厲害。

「欣宜同 Bobby搞 Homie Cookies，本身只係打算做網上訂購，但近年流行做 pop-up store，咁啱又有機會同海港城合作，個鋪位雖然細細哋，但齋賣曲奇都好夠用，又唔使用好多錢請人；欣宜幾乎每日都會落場，而 Bobby同佢女朋友就長駐店面，只要另外搵兩個人幫頭幫尾已經夠。因為支出有限，做一個月扣除所有開支，都有一半袋落袋。」本小利大！

13年底，欣宜因演藝事業不順利，靠整曲奇打發時間，結果竟然創出另一番事業。

在海港城搞 pop-up store，欣宜由朝企到收鋪，連阮兆祥也會特登來幫襯。

Homie Cookies初推出時，只是玩票形式在大坑市集擺地攤。

欣宜的人緣很好，開檔賣曲奇得到唔少圈內歌手朋友撐場，起了明星效應的宣傳作用。

意料之外

欣宜自己也承認，沒有想過 Homie Cookies會咁順利，咁好賺！「係有啲意外，多謝大家。其實我哋初頭諗住做到 break even已經係贏咗㗎喇，但到最尾仲可以賺到返嚟，真係要好多謝大家嘅支持。」欣宜說。

雖然賺到錢，但欣宜並無打算拓展開門市，只會𥄫實 pop-up store的走勢，繼續食住上。

「首先，五月四日至五月八日有個 food truck festival（美食車嘉年華），跟住五月至十一月會再喺其他商場開 pop-up store。」欣宜堅持以小博大。

蕭定一投資開拍由舞台劇搬到大銀幕的《 29+1》，找來周秀娜與欣宜合作，希望二人能擦出火花。

不再為瘦身折磨自己的欣宜，只要身體健康，肥胖對她來說並冇所謂。當日與羅蘭、胡楓做完活動後，欣宜急急腳去食拉麵醫肚。

良性競爭

除了繼續做生意，欣宜的新唱片亦將於五月推出，又要為孭重戲的電影《 29+1》開工，有排忙。「新歌《女神》出街反應幾好，雖然 JW、衞蘭同 Gin Lee今年個勢好勁，不過都係良性競爭，而且欣宜同佢哋四個私下好 friend。

「唱片公司已經做嘢谷到行，加上簽咗蕭定一間電影公司，《 29+1》套舞台劇咁 hit，佢同周秀娜一齊擔正，欣宜都有啲壓力，但更加珍惜呢個機會。好在曲奇生意有拍檔 Bobby睇住，佢可以專心拍戲。」知情者說。