3歲 Torres曉報寸 吳君如陳可辛冇嘢好講 [壹週刊 - 1363] __,君如,Torres,陳可辛,吳君如,M1,

同你吟一吟3歲Torres曉報寸　吳君如陳可辛冇嘢好講住港島，仲要係南區嘅星，睇戲十居其九去數碼港，就腳又易買到飛。上個禮拜，同日就有吳君如、陳可辛，同楊千嬅一家，不過唔同時段，千嬅兩公婆帶個仔去睇《優獸大都會》，小朋友早瞓，睇五點幾場，睇完返屋企食飯啱啱好。睇完戲，一家三口同外傭姐姐等司機車到，3歲小丁生見到《壹》仔鏡頭，立即手仔指指，同媽咪通風報信，醒爆！唔想囝囝入鏡，千嬅刻意做人肉牆擋住，點 ...

同你吟一吟

3歲 Torres曉報寸　吳君如陳可辛冇嘢好講

住港島，仲要係南區嘅星，睇戲十居其九去數碼港，就腳又易買到飛。

上個禮拜，同日就有吳君如、陳可辛，同楊千嬅一家，不過唔同時段，千嬅兩公婆帶個仔去睇《優獸大都會》，小朋友早瞓，睇五點幾場，睇完返屋企食飯啱啱好。

睇完戲，一家三口同外傭姐姐等司機車到， 3歲小丁生見到《壹》仔鏡頭，立即手仔指指，同媽咪通風報信，醒爆！

唔想囝囝入鏡，千嬅刻意做人肉牆擋住，點知三歲 Torres仲醒，指住《壹》仔，向媽咪打報告。

千嬅去排隊買飛，俾丁子高抱住嘅 Torres同老豆玩，勁黐身！

Torres褲腳扯起咗，外傭姐姐走前執番好。

至於吳君如同陳可辛就睇七點半《樹大招風》，囡囡唔啱睇，大條道理二人世界。但由陳可辛埋櫃枱買飛，到入場，君如都只係跟响皮蛋陳後兩個身位，大家冇講過一句嘢。

可以生埋女都唔結婚嘅，吳君如要經營呢種不尋常關係，應該一啲都唔輕鬆，難怪佢個樣咁！

陳可辛同鼓埋泡腮嘅吳君如玩心靈相通，全程都冇講過嘢。

吳君如繑埋雙手，跟後同陳可辛保持兩個身位距離。

篤住電話嘅君如突然跣手跌咗部手機落地，即刻執番放入衫袋。

撰文：八珍

來源 source: http://hk.next.nextmedia.com

鍾意就快D Share啦！

下一篇 》