網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2016年7月7日 星期四

【無綫藝員前妻分身家】官司纏身 61歲何東舜銘行街頭耷耷 __,何東,無綫,

何鴻章與「十姑娘」何婉琪所生嘅61歲私生子何東舜銘(前名麥舜銘)呢排官司纏身,5月底被何鴻章追討佢同母親十姑娘價值80億嘅澳娛股份;上周四,何東舜銘又要處理同56歲無綫前藝員前妻陳復生嘅離婚官司,法庭喺2013年判咗陳復生可以一次過獲得1.2億贍養費,但就要交出公司股份同物業。雖然何東舜銘提出上訴,認為婚姻喺04年出現破裂,唔應該賠咁多,不過上訴庭就認為分開住嘅陳復生到09年都仲有探望何東舜銘,所 ...




其他影片:>>






何鴻章與「十姑娘」何婉琪所生嘅61歲私生子何東舜銘(前名麥舜銘)呢排官司纏身,5月底被何鴻章追討佢同母親十姑娘價值80億嘅澳娛股份;上周四,何東舜銘又要處理同56歲無綫前藝員前妻陳復生嘅離婚官司,法庭喺2013年判咗陳復生可以一次過獲得1.2億贍養費,但就要交出公司股份同物業。雖然何東舜銘提出上訴,認為婚姻喺04年出現破裂,唔應該賠咁多,不過上訴庭就認為分開住嘅陳復生到09年都仲有探望何東舜銘,所以駁回上訴。(相關新聞: http://bit.ly/29O8pB2 )官司纏身嘅何東舜銘,噚日下晝約5點鐘左右,肥咗少少嘅何東舜銘一個人喺上環出現,佢一落咗七人車就表現得好小心,身穿長袖恤衫戴帽不特止,仲耷低頭行非常低調。之後佢一個人走咗入咖啡店,但冇買嘢飲又冇坐低,只係不停抹汗同撳電話,似乎要等嘅人未出現,無耐佢就轉咗去附近一間名錶店打發時間,不過都係齋睇冇買。睇完錶,何東舜銘又返到咖啡店,會合兩位男性友人,三個人仲喺開揚嘅窗口位坐低。雖然何東舜銘對住落地玻璃坐,預咗俾人見到,但佢仍然小心翼翼咁左望右望,三個人最終傾咗一陣偈,就上咗附近一棟商業大廈。

何東舜銘包到實似乎唔係好想俾人認到 ,似乎官司真係令到佢好心煩。(攝影:黃曉程) 大熱天長袖衫戴帽,真係好低調 喺咖啡店等人順便涼一涼
睇錶,得個睇字 三個人坐低吹水,但何東舜銘仍然坐唔定。 早前法庭判咗要賠前妻陳復生1.2億
老竇何鴻章入稟追討何東舜銘同十姑娘嘅澳娛股份

鍾意就快D Share啦!