網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2016年7月7日 星期四

Ritz-Carlton擺 50圍 楊卓娜候命做楊怡跑腿 [壹週刊 - 1374] 楊怡,M1,楊卓娜

十月喺Ritz-Carlton擺結婚酒嘅楊怡同謙謙,收六位數夫妻檔做美容中心開幕嘉賓外,年尾亦將以二千萬酬勞一齊拍內地真人騷,豬籠入水。《蘋果日報》圖片同你吟一吟Ritz-Carlton擺50圍 楊卓娜候命做楊怡跑腿早個禮拜,同張兆輝、陳松伶拍緊新劇《全職沒女》嘅楊卓娜冇通告,可以陪埋兩個女一齊去放狗;行到㷫烚烚,就去買雪條食,涼快涼快。眨吓眼,囡囡豹豹楊舒然已經足7歲,老公係「燈箱大王」,大條道 ...


十月喺 Ritz-Carlton擺結婚酒嘅楊怡同謙謙,收六位數夫妻檔做美容中心開幕嘉賓外,年尾亦將以二千萬酬勞一齊拍內地真人騷,豬籠入水。《蘋果日報》圖片

同你吟一吟

Ritz-Carlton擺 50圍 楊卓娜候命做楊怡跑腿

早個禮拜,同張兆輝、陳松伶拍緊新劇《全職沒女》嘅楊卓娜冇通告,可以陪埋兩個女一齊去放狗;行到㷫烚烚,就去買雪條食,涼快涼快。眨吓眼,囡囡豹豹楊舒然已經足 7歲,老公係「燈箱大王」,大條道理做少奶奶,但佢選擇繼續打風流工,唔肯全職做黃面婆。

不過咁,仲有三個月( 2/10),就係細妹楊怡,同佢老公仔謙謙擺喜酒嘅大日子,新娘已經全力開動做籌備,楊卓娜亦要候命幫手。羅楊聯婚要擺成 50圍,單係篩選份請客名單,都有排頭痛

大熱天去放狗,楊卓娜帶定雨遮擋太陽外,又去買雪條俾兩個女解渴。

老公楊志翹同前妻有兩女,其中次女舒雅同楊卓娜特別投緣。

撰文:八珍


鍾意就快D Share啦!