摸蜆是夏天其中一個熱門活動，每逢假日到海灣摸蜆的人數不計其數。一桶又一桶的蜆被掘走，大家滿載而歸之際，又知不知道，快樂的背後原來會影響生態環境？蜆被過量掘走會面臨絕種，並且會影響水質，甚至食物鏈的運作，大家進食後或會中毒！
東網記者於假日到熱門摸蜆地點之一東涌河口視察，現場不乏一家大細於河口摸蜆，更見到專業摸蜆團隊，將一桶又一桶的蜆掘走。生態教育及資源中心科學事務經理張瑪珊博士指，一日曾經有500至600人於東涌河口摸蜆，蜆被大量掘走，對生態環境造成破壞。其他摸蜆的熱門地點包括大嶼山水口、欣澳、東涌河口、大埔汀角、龍尾、西貢橋咀、元朗下白泥及馬鞍山海星灣等，人群亦一浪接一浪。
「同幾年前比較，可以見到依家啲蜆愈嚟愈細隻，一隻蜆要幾年時間先會長大，大家不斷掘，無時間畀佢哋生長，係會有絕種嘅危機。」張表示，一隻蜆每日可以過濾100公升海水，若蜆被過量掘走，會影響水質，一些肉食性的螺、魚或者鳥類亦會失去糧食。另外，因為香港不時有紅潮，若蜆受紅潮影響，吸食有毒的藻類，大眾進食後亦有機會中毒。
要保護生態，張建議大眾可純粹到海灣作生態遊，觀察小動物的一舉一動，不過就不宜摸蜆或將海洋生物帶回家。她亦指，政府可以行多一步，增加宣傳及教育。「好多人仲去摸蜆唔係因為有心破壞生態環境，而係佢哋唔知。」她建議，政府可於熱門摸蜆地點設展覽，向大眾解釋蜆在大自然界的作用。同時，亦可舉辦生態團，增加大眾的認知。另外，亦可效法外國的做法，限制掘蜆的數量，讓蜆有足夠時間成長。
張認為，香港整體的生態教育及推廣落後。她慨嘆，「生態旅遊90年代已經出現，2000年到依家政府都係話搞。香港有40%土地係郊野公園，不過大家都係去完就算，無咩教育資訊可以接收到。」她認為，政府應該出一分力，加強生態教育及推廣。
|
鍾意就快D Share啦！
|
|
|