娛樂圈經常俾人話有潛規則，究竟咩係潛規則？你懂的……司徒夾帶上個月28號喺facebook上載咗條題為[司徒夾帶 x Hunny]娛樂圈的潛規則，短片以曲線解說娛圈中嘅潛遊戲。短片中，飾演唱片公司老闆嘅司徒夾帶，就話好多老闆睇中做歌手嘅Hunny，叫佢俾心機唱歌，不過Hunny就喊晒口話，屋企咁辛苦栽培佢，係想叫佢同老闆上床；而佢做歌手嘅目的，就只係想俾人包養，唔想唱歌，仲叫司徒夾帶俾次機會佢……條片上載幾日，唔少網民都留言覺得好笑，不過噚日就出現咗個留言，同普羅網民嘅反應有啲唔同。呢位網民嘅留言如下：「我唔係想燥，但就係呢啲咁嘅仆街將呢嘢合理化，我先會被人寫衰！sor！唔覺得好笑！好X侮辱！！！！由始至終我都係靠自己由正當工作賺錢養家養自己，到依家都可以好proud of 用自己錢租樓供車，從來都無出賣過自己尊嚴～～ 窮嘅時候無人理，開始好啲又無人知，但就係因為有班X樣，將人地既努力當笑話，將呢啲變成事實嘅全部，先變到依家呢個局面！」呢位網民個名叫Siu Bac Ng，據知就係呢排同男友Alex Ho公開戀情嘅吳若希真身，睇番佢個account，profile pic.就用咗隻哥基犬，背後有成座史迪仔山，同鍾意史迪仔嘅吳若希，好脗合！舊年憑洗腦歌《越難越愛》冒起嘅吳若希，原本生於大富之家，爸爸喺福建經營酒店，細個嗰陣住2,000呎大屋，不過老竇後嚟沉迷賭博，最終破產收場。當時只有7歲嘅吳若希，喺訪問中曾謂當年家道中落、阿媽匿喺房入面喊嘅情景仍歷歷在目。後來吳若希成家人移居香港，佢同媽媽、姨姨、公公婆婆蝸居喺一間400呎公屋。今年只得24歲嘅吳若希，喺短短幾年間，由公屋飛升至住豪宅，有指因為吳若希得到各方世叔伯照顧，尤其同十哥林棣權，就更加關係密切，所以能夠住喺月租四萬嘅何文田豪宅君頤峰，出入仲揸200萬波子。雖然早排有指十哥沒收波子兼同吳若希斬纜，不過財來自有方嘅佢，依然富貴，做咗公司董事嘅佢，仲靜靜雞買咗架80萬、用自己生日日期做車牌嘅保母車代步。司徒夾帶今日回覆《蘋果》話:「本片沒有前設，沒有針對任何人，只想觀眾反思香港娛樂事業，言者無心，有怪莫怪。」佢自已喺fb都有開post問有冇朋友理解發生咩事。
|
鍾意就快D Share啦！
|
|
|