難得唔使開工，兩公婆帶埋九歲囡囡 Nadia到中環行街 shopping。
娛樂偵訊
靠奸忙爆廠 吳家樂放假湊細路
無綫近年代表作《城寨英雄》，收視一直高企，除了主角胡定欣、陳展鵬外，在劇中飾演乸乸哋又陰毒的春美哥吳家樂，眼神笑容都奸到出汁，表現令觀眾 like爆！
跟紅頂白，大台立即派糖安排開新劇，有個女仲有一對 twins（仔）嘅吳家樂，惟有把握時間做湊仔公。
老婆一打三
在加拿大讀書，畢業後返港，九二年已經加入無綫的吳家樂，多年來主要做節目主持，就算有劇拍，都是做閒角；直至熱播劇《城寨英雄》，做城寨三氏惡霸之一的馮春美，終於突圍爆出。
主持、拍劇，加上去年有份拍處境劇《愛•回家》第二輯，忙爆的吳家樂，只好將照顧一女兩子責任，交晒俾老婆。
「舊年拍《城寨》嗰段時間真係爆晒廠㗎！三個小朋友得八、九歲，仲係好黐身，但家樂連瞓嘅時間都唔夠，所以要靠老婆（周蕙蕙）一打三。」吳家樂身邊人說。
企街吹水
工作時間唔穩定，所以吳家樂經常同幾個小朋友玩 FaceTime！
「開劇日接夜，有時返唔到屋企，但無論幾攰，家樂都會校啱時間，同啲仔女 FaceTime傾偈。其實而家冇咁忙，不過家樂話趁開新劇前，留番多啲時間俾屋企人，有時我哋約食飯，佢都唔出嚟！」一名劇組人員說。
早前，吳家樂日間出席完《城寨》宣傳活動，晚上就孖老婆周蕙蕙，約朋友到大坑食燒烤，食到十一點，離開餐廳後，兩公婆繼續捉住友人企街喪吹，仲講到郁晒手，非常投入。企住傾，足足大半粒鐘，才捨得講拜拜。
撰文、攝影、攝錄：娛樂組
來源 source: http://hk.next.nextmedia.com
|
鍾意就快D Share啦！
|
|
|