被追隨者稱為「教主」的黃毓民，先後成為社民連主席及人民力量精神領袖，在位時曾力捧過三大門生，惜最終全部反目，部份如今更成為落力反對黃毓民陣營的主力。任亮憲昨晚爆發衝突後再接受訪問，強調批評黃非為私怨，只因黃過去幾年「立場好飄移，龍門任佢搬，一時做一樣，一時講一套做一套」。他指由「愛徒」變「苦主」，相信歷史會循環，提醒黃的「信徒」認清黃的招數、伎倆，「兩個佢創辦政黨、佢參與團體，都令身邊戰友、黨友被出賣」。陶君行亦狠批黃毓民：「宣揚勇武抗爭，但只係撥火，又唔帶頭，唔身先士卒……呼籲人唔好去六四集會，7.1又話係左膠和理非，只會破壞香港民主運動，呢啲所謂偽本土派搞到我哋連同保皇黨格劍嘅時間都冇。」同樣曾被黃毓民力捧的社民連前秘書長季詩傑昨亦在facebook明言不支持黃毓民。●任亮憲
「熱普城集團成日講港獨、建國……點知一嚟到提名期就轉軚，簽晒確認書，仲話要永續《基本法》，一個月內咁大政治議題同立場180度大轉彎；佔中一開始話要維護學生，突然又抨擊學生唔啱，話佔中無用，又話人係佔中三恥，立場短短數日、數星期，最多一個月就轉。」●季詩傑
「至於黄毓民，佢個仔到社記分裂到家住某人嘅豪宅，仲使問咩，梗唔支持。支持佢不如食屎！只係一，我唔再喺政壇，二，都已經被標籤係靈童，再出嚟講佢咪即係幫佢拉票。」●陶君行
「（黃毓民）呼籲人唔好去六四集會，七一又話係左膠和理非，只會破壞香港民主運動，呢啲偽本土派搞到我哋連同保皇黨格劍嘅時間都冇。」
同區參選名單詳見此網頁：
http://bit.ly/2aDHmxj
|
鍾意就快D Share啦！
|
|
|