【短片】【蘋民直擊】拎月餅都打尖 4男女觀塘大混戰
2016-09-13 22:42:00 HKT
4名男女為拎月餅大混戰。(讀者何先生提供)
何先生指四人由餅店門外大打出手，打到入店內。(讀者何先生提供)
事後美心餅店門外仍有多人排隊拎月餅。(劉永明攝)
中秋節，應該人月兩團圓和和氣氣，但有市民居然為咗拎月餅而打尖，仲要大打出手添！下午3時許，讀者何先生途經觀塘裕民大廈時，見到附近的美心西餅門外有多人排隊拎月餅，其間一名穿著淺綠色恤衫的男子突然打尖，並撞到排在前方的兩女一男，「俾佢(打尖男)撞到嘅其中一個女人就大嗌，同行著背心嘅男人就即刻問咩事，之後雙方就開始嘈起上嚟喇」。
何先生指雙方初時發生口角，後來更大打出手，由門外打到入舖內，再由舖內打到出門外，並推冧放在門外準備供人提取的月餅，「嗰兩女一男不停話：『我嚟先』，而個打尖男就俾人打倒瞓咗喺紙皮箱上面添呀，成個過程大約兩分鐘，好激烈」，原先排隊的市民紛紛四散，美心職員亦見狀立即報警。打尖男立即拿起放在地上的財物後離去，惟該3名男女立即尾隨離去，未幾警方迅速到場，在餅店附近截獲打尖男，並將他帶走，但涉事的3名男女則逃去無蹤。
他直言第一次見到有人為拎月餅而打尖，認為雙方不應為拎月餅而爭執，甚至大打出手，「慢慢排隊都冇咩問題呀，嗰度大把月餅，都唔駛打尖嘅，可能佢哋壓力太大，好少嘢就發脾氣打交」。
想睇最新消息？ 即時follow【現場－蘋果突發】fb！http://fb.com/applecitycrime
來源 source: http://hkm.appledaily.com
|
鍾意就快D Share啦！
|
|
|