拍完套戲後，兩公婆咪會有更多時間相聚囉？
女神舒淇早前同老公馮德倫趁《俠盜聯盟》嘅拍攝空擋喺布拉格拉埋天窗，婚後兩人未有一齊現身，呢日佢哋終於首次合體喇！馮太舒淇喺社交網站上載咗一段短片，慶祝佢哋套戲終於煞科，舒淇仲襯晒音樂化身導演，一時拍下電影嘅攝影師，一時又拍下四周圍嘅環境，仲興奮到開香檳慶祝添！
去到片尾，男主角終於現身喇，舒淇同老公馮德倫孖住影合照，仲攞住以紅色做主題嘅二人Cute版漫畫人像，唔知係咪朋友用嚟賀佢哋新婚嘅呢？由於舒淇同戲中好拍檔、工作人員相處咗咁耐，因此佢好唔捨得咁留言話：「Yeah 殺青了！我會想念你們的！its a wrap I will miss you all！」
除咗呢段咁sweet嘅片之外，舒淇較早前又上載另一段片，不過今次片入面就得佢一個，舒淇係咁揈個頭，大叫：「殺青了！」仲留言自嘲話「藥呢？」，睇舒淇揈到個頭咁，就知佢真係好興奮
來源 source: http://hk.on.cc
|
鍾意就快D Share啦！
|
|
|