麥明詩為馮盈盈（右圖左）護航，佢話中國語文博大精深，有好多說話都比粗口仲難聽，真係句句精警喎！
上屆港姐冠軍麥明詩（Louisa）今日與出爐港姐冠軍馮盈盈、亞軍劉穎鏇及季軍陳雅思、友誼小姐張寶兒等現身佐敦，出席珠寶活動。
「冇需要為其他人改變自己」
Louisa被問到於網上平台為被揭爆粗的馮盈盈留言護航，她謂望大家給盈盈更多空間：「因為我體驗到佢嘅困難，成為焦點後第一時間唔易做到真實自己，希望大家畀多啲空間佢。（向佢教路？）有同佢傾壓力處理，佢說話技巧已經好得體。我面對傳媒都試過壓力大到崩潰，總有人唔鍾意自己，冇需要為其他人改變自己。」
中國語文博大精深
問到Louisa會否講粗口？她說：「估到大家咁問，粗口當然會認識，因為係廣東文化。如果我話我成世冇講過，大家都唔信啦，但人大咗會避免。中國語文博大精深，好多說話都比粗口仲難聽。」提到Louisa網上留言表明要「始終如一」，問到是否暗寸林作，她笑言：「冇諗太多，好多人以為我昨日先寫呢句，其實呢句係我港姐卸任感言。」
唔易受挑釁
此外談及網民宣稱要杯葛盈盈，Lousia說：「總有人以不同原因攻擊你，最緊要知道自己定位。（你有冇受過同樣攻擊？）冇留意，依家人大咗會成熟啲，自己有寛容同氣量，唔容易受其他人挑釁。」
來源 source: http://hk.on.cc
|
鍾意就快D Share啦！
|
|
|