最近演城寨「牙佬」嘅袁偉豪成功入屋，捱咗8年算係有啲成績，多咗人認識，唔再做閒角，今日有周刊爆，佢原來15歲已經參加《Yes!》校草選舉，期間轉工做過藝人助手同幕後工作，雖然發展唔順利，不過佢仍然堅持喺呢行發展，對感情亦有承擔，自上年被爆同2012年「最上鏡小姐」岑杏賢拍拖，袁偉豪即大方認戀情。據報道指，二人拍拖3年，岑杏賢早已搬去袁偉豪屋企展開同居生活，原來二人之前同遊加國，袁偉豪已求婚成功，近日岑杏賢同好姊妹朱千雪一齊去咗間婚禮服務公司，估計岑杏賢係搵千雪BB做伴娘，疑去試嫁衣，而早前更影到岑杏賢同袁偉豪去將軍澳睇一間搞全包婚宴嘅酒店，同酒店職員有傾有講，計劃喺度擺酒結婚，有傳嚟緊佢會拍《使徒行者2》，為咗唔想因為婚事影響工作，所以佢哋先將婚事低調處理。「牙佬」袁偉豪女友岑杏賢今日接受傳媒訪問，被問到跟「牙佬」秘婚一事：「無咁嘅事，睇到都嚇親，真係好好笑！」
來源 source: http://hk.apple.nextmedia.com
|
鍾意就快D Share啦！
|
|
|