掃呢頁CODE去手機

2016年9月8日 星期四

DaDa唔同晒:遇過兩個乜(仆)街! [壹週刊 - 1383] __,DaDa,陳靜,M1,

13年,DaDa在道歉會上一臉迷惘,表現無助,同今日的自信截然不同。娛樂偵訊DaDa唔同晒:遇過兩個乜(仆)街!13年憑《低俗喜劇》奪得金像獎最佳女配角後,DaDa陳靜壓力爆煲,以「生活好累,人言可畏」為理由宣布引退,但兩個半月後又戲劇性地公開道歉,宣布復出。過去幾年,變得低調的DaDa蒲頭為電影《S風暴》做宣傳,眼前的她多了幾分成熟,不再肥腫難分眼神空洞,她說轉變是同遇上兩段南轅北轍的感情有關: ...


13年, DaDa在道歉會上一臉迷惘,表現無助,同今日的自信截然不同。

娛樂偵訊

DaDa唔同晒:遇過兩個乜(仆)街!

13年憑《低俗喜劇》奪得金像獎最佳女配角後, DaDa陳靜壓力爆煲,以「生活好累,人言可畏」為理由宣布引退,但兩個半月後又戲劇性地公開道歉,宣布復出。

過去幾年,變得低調的 DaDa蒲頭為電影《 S風暴》做宣傳,眼前的她多了幾分成熟,不再肥腫難分眼神空洞,她說轉變是同遇上兩段南轅北轍的感情有關:「一個人,總會遇一、兩個乜(仆)街!」

是咁的!那緋聞傳到似層層的彭于晏,還有國內富二代王思聰又是否榜上有名呢?

同彭于晏似層層

過去三年,兩段感情,加上自己和家人的經歷,令 DaDa性情大變,不會再逃避問題。

今日的 DaDa,有問必答,同三年前比,明顯改變不少。

曾幾何時,她以為自己可以在二十六歲結婚、一年後生小朋友,事到如今,這念頭早已打消得一乾二淨。

「經歷(遇人不淑?)試過㗎,一個人,總會遇過一、兩個乜(仆)街,哈哈哈!我喺呢方面(感情)好弱,仲未知自己想要咩,所以先會去試。朋友話好,就試吓一齊,又同過好聽我話、乜都以我諗法為第一位嘅人,但我又覺得唔鍾意喎。人鍾意開心經歷,我同時都享受唔開心嘅經歷,絕對係一個契機,去令自己改變。」 DaDa說。

DaDa自稱現階段單身,暫時亦無意拍拖。過去三年,感情經歷令她有停一停的打算。

對於台灣傳媒指自己同彭于晏撻着, DaDa滿頭問號。

「其實都係兩個啫(彭于晏?)唔係,真係唔係!呢單簡直係個問號,我都唔知發生咩事, question mark嚟㗎!」

不過, DaDa卻大讚傳媒想像力豐富,可將她從荔園掟公仔得來的大象毛公仔,以及送給同住好姊妹的彭于晏圖像生日蛋糕(對方是超級粉絲),作為兩人有 road的證據。

多做事少說話

憑《低俗喜劇》爆炸糖一角, DaDa奪得第三十二屆金像獎最佳女配角,同年宣布退出娛樂圈,六個月後又戲劇性回歸。一三年,是事業豐收期,也是人生低潮期。

「我中間(內心)缺咗一『忽』(內涵),會冇信心,壓力就更加大,以前就會逃避,匿埋,好驚去解決事情,一走了之啦,冇諗後果,只為自己感受,係任性㗎!過咗呢個難關,望番轉頭,我好開心呢件事發生得早,令我而家睇嘢擴闊咗,同人相處,關係亦穩固咗,係得着!」

多做事少說話是這幾年 DaDa的鐵規, encore拍風暴系列《 S風暴》,與兩大型男張智霖同仔仔(周渝民)合演對手戲,第一日埋位,就要捉住 Chilam狂打狂鬧; DaDa聲稱自己真心入唔到戲,全靠對手不厭其煩,從旁幫手,才順利完成拍攝。

奪得金像獎最佳女配角後, DaDa一下子壓力爆煲,失驚無神宣布退出。

年前曾有報導指 DaDa撻着梁洛施初戀男友劉旋。

經歷過低潮, DaDa好珍惜扶自己一把的屋企人,唔使開工,最愛孖住胞姊及姨甥家庭樂。

曾幾何時, E cup身材是最大賣點,但 DaDa說寧願賺少啲,不想走回頭路。

對周渝民死心

原來 DaDa是仔仔的忠粉,同偶像合演情侶,令她興奮了好一陣子。

「開頭覺得佢(仔仔)好內斂,唔多出聲,但原來佢都好幽默同講得笑,又好識照顧人。有場戲我就唔到力,俾玻璃𠝹傷,自己唔敢同工作人員講,因為當時好趕,進度有啲落後,不想自己小小皮外傷,進一步影響拍攝進度;但仔仔好快就留意到,仲提議停一停機俾我休息吓,嗰一刻,真係好感動。」 DaDa說。

仔仔不單為人細心,揸電單車更加溝死女,戲中兩人有場《天若有情》式電單車場口,導演一 take收貨,只可惜對方已為人夫, DaDa還是死心了!

新戲角色性格複雜矛盾點又多, DaDa自言好有發揮。

DaDa對戲中飾演胞兄的 Chilam又愛又恨。

同偶像周渝民《天若有情》式的飛車場面, DaDa激讚對方駕駛技術一流。

DaDa刻意放慢腳步,推掉不少與《低俗喜劇》爆炸糖相類似的角色。

14年, DaDa在風暴系列的《 Z風暴》中擔正做女一,同林家棟有不少對手戲。

離奇引退

憑 E cup身材走紅的陳靜( DaDa), 10年入行,憑《低俗喜劇》成為金像獎最佳女配角後,突然在微博貼文「生活好累,人言可畏。壓力、痛苦,總是一起來。」在未有同經理人施念慈商量下,單方面公告情緒受困,要退出娛樂圈。息影兩日, DaDa又突然復工,秘密為彭浩翔執導的《曼珠莎華》補戲,行為飄忽。

有傳 DaDa因為黐到澳門有米娛樂猛人,自恃有大水喉射住,罔顧合約精神。人間蒸發兩個多月後, DaDa現身公開道歉並宣布重返娛樂圈;自此變得低調。主力拍電影的她,今年同家姐合資六位數字開童裝店,極速歸本之餘,分店開完一間又一間。

撰文、攝影、攝錄:娛樂組

化妝、髮型: Annie G Chan、 Leo Tam

場地提供: Partyland


鍾意就快D Share啦!