熱爆娛樂: 【「只是殖民地」】寧居台灣30年馮淬帆：對香港完全冇感情 _

2016年10月23日星期日

【「只是殖民地」】寧居台灣30年馮淬帆：對香港完全冇感情 __,馮淬帆,

行年72歲嘅甘草演員馮淬帆，80年代香港電影市道蓬勃時，拍過唔少笑片，仲因為電影《福星系列》，佢同同期嘅吳耀漢、秦祥林、洪金寶、曾志偉等人合稱為「五福星」。拍完一堆笑片(喺馮淬帆眼中係鬧劇)，馮淬帆忽然喺香港銷聲匿跡咗一段長時間，選擇喺台灣定居超過30年。噚日佢應高雄電影節嘅邀請，現身影展記者會。喺記招中，記者問到馮淬帆明明係香港人，為乜住喺台灣咁耐，馮答得坦白：「大家都覺得我是香港人，其實我不是香港人，我是廣東人，我只是在香港經過一段時間，香港我從唸書的時候就很不喜歡，我對香港完全沒有感情，因為香港是殖民地，我的民族性很高」。馮淬帆喺噚日記招中，亦提到自己鍾意講「回」台灣，而唔係「去」台灣，對「家」嘅觀念根深柢固。選擇定居台灣，馮淬帆話除咗台灣人有人情味之外，仲話：「我敢說全亞洲，今天台灣還是最好，我覺得台灣人彼此尊重有禮貌，這亦是我即使出國，第二天就會開始想念台灣的原因。」雖然對台灣有情，但同時間，喺馮淬帆眼中，大陸亦係佢另一個家，同樣會賜予「回」字。馮淬帆續講：「冇國哪有家？因為我覺得兩邊都是我們的國家，所以我常常說『回』大陸、『回』台灣。」　

馮淬帆話自己對香港完全冇感情。(資料圖片)	近年揀劇本，刻意唔拍笑片嘅馮淬帆，舊年拍咗《五個小孩的校長》。(資料圖片)	(資料圖片)
今年就同阿Sa合作拍《嚇鬼》，都唔係笑片。(資料圖片)	但諷刺嘅係，馮淬帆之前拍過賀歲笑片，個名就係叫《我愛 HK》(資料圖片)	(資料圖片)