網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2016年11月17日 星期四

地獄嗓音再臨 甩拖一年寄情狗狗 張曼玉企硬由影后變歌后 [壹週刊 - 1393] __,曼玉,張曼玉,M1,

探熱針地獄嗓音再臨 甩拖一年寄情狗狗 張曼玉企硬由影后變歌后情路屢戰屢敗的張曼玉,自從同比她細十五年鬼佬Band仔Adrian甩拖後,便將全副精神放晒落自己隻寶貝狗狗身上,早前,她專登走去淺水灣一間寵物店,幫愛犬入貨,生活離地又長期冇接觸外界,Maggie一見鏡頭,就如臨大敵,周圍搵人遮擋。與狗狗相依為命的Maggie,至今仍沒有放棄她的歌手夢,就算被人封為「地獄嗓音」,仍未有打擊到影后要轉型做歌 ...


探熱針

地獄嗓音再臨 甩拖一年寄情狗狗 張曼玉企硬由影后變歌后

情路屢戰屢敗的張曼玉,自從同比她細十五年鬼佬 Band仔 Adrian甩拖後,便將全副精神放晒落自己隻寶貝狗狗身上,早前,她專登走去淺水灣一間寵物店,幫愛犬入貨,生活離地又長期冇接觸外界, Maggie一見鏡頭,就如臨大敵,周圍搵人遮擋。

與狗狗相依為命的 Maggie,至今仍沒有放棄她的歌手夢,就算被人封為「地獄嗓音」,仍未有打擊到影后要轉型做歌后的信心和目標;在新歌《 Look In My Eyes》 MV中, Maggie更搏晒老命撚蛇演出,力證自己有實力。

離地怕陌生人

一直以來,張曼玉都是愛情至上,一次又一次無底線付出,絕對稱得千瘡百孔。勇於去愛,但自從去年與比自己後生十五年的 Band仔男友 Adrian分手後, Maggie已守齋一年,冇着落,惟有將全副心機,投放在愛犬身上。

經常人狗出雙入對的 Maggie,日前就帶埋狗狗與一男一女親友出動,到淺水灣一間寵物店入貨, Maggie將狗狗留在店外,自己一個入鋪頭上糧添置用品,每拎一樣嘢, Maggie都笑笑口,有狗萬事足。

直到發現有記者, Maggie立即變臉,第一時間戴番口罩,又叫親友做人盾,幫她遮擋記者鏡頭。買嘢自備購物袋的她,一俾完錢,九秒九衝上車離開。

張曼玉去到淺水灣買寵物用品,其間表現得好雀躍,不過一發現有記者,即刻戴晒口罩同一臉愕然。

身為潮人 fashion界尖端的張曼玉,去買嘢都自備環保購物袋。

發現有人影相,張曼玉即刻叫兩名親友出手擋記者鏡頭。

鐵奶罩撚蛇

戀情未有新開始,瘟狗當瘟仔的 Maggie堅持唔再拍戲,但對於唱歌,她心中一團火仍在燃燒中。

兩年前, Maggie在草莓音樂節唱出經典歌《甜蜜蜜》,走晒音又低十個 key的場面,歷歷在目,被封「地獄嗓音」,俾人踩到貼地, Maggie依然企硬,早幾日,她的新歌《 Look In My Eyes》發布, Maggie主唱外更包辦作曲作詞,連 MV導演,都由她一條龍包辦。

MV中, Maggie百二分瞓身,除了有金色鐵奶罩同黑絲造型,演出對手更是一條滑潺潺,活生生的白蛇;只見 Maggie任由白蛇在她手上捲來捲去, MV視覺效果一流, 52歲的 Maggie,唔唱得都要話俾大家知,佢仲睇得吓。

兩年前張曼玉同男友 Adrian拍拖散步好鬼 sweet,但兩人關係只維持一年。

冇男友,張曼玉惟有搵狗仔陪伴。

張曼玉最近有新歌推出,在 MV中無論造型及意識都非常大膽,成功轉移視線,暫時唔多評論她歌藝的負評出現。

撰文、攝影、攝錄:娛樂組


鍾意就快D Share啦!