【新增影片】
琴日出聲明話同呂麗君分手嘅大劉，係人都知有嚴重腎病，每個禮拜要洗腎三、四次，係醫院出出入入，咪話唔辛苦！富豪間熱問，點解佢初病時唔換腎呢？轉個頭佢就自爆已經換腎。
有富豪就爆料，佢係英國換腎，並參考左黎瑞恩前老爺、金利來老闆曾憲梓嘅情況。
曾憲梓係於98年，在廣州換腎。非常愛國嘅佢，91年起當選全國人大代表及人大常委。92年捐成1億，與國家教育部合作設立曾憲梓教育基金。03年再捐一億，設立曾憲梓載人航天基金。至2013年，曾憲梓大大話話已向內地捐左11億。佢曾經講過，當年命危時，有個大陸官員主動來香港揾佢，幫佢安排係廣洲換腎。
大劉近年先至鋪條愛國路，由紅顏呂麗君做政協。捲入歐文龍貪污案後，呂麗君亦曾經走上北京搵高人求救。而呂過往亦常陪住大劉，去英國睇物業。澳門單官司暫時就搞唔掂喇，但條命仔，相信仲保得住!
來源 source: http://s.nextmedia.com
|
鍾意就快D Share啦！
|
|
|