掃呢頁CODE去手機

2017年1月26日 星期四

「守豬」26年!71歲李家鼎冧爆Cheronna __,李家鼎,

李家鼎真係型到冇朋友呀!農曆新年,當然要一家人相聚食團年飯,因無綫節目《阿爺廚房》而爆紅的李家鼎(鼎爺),日前在特備節目中與組合SuperGirls合作泡製賀年餸菜,包括琵琶釀豆腐(福袋)、炸子雞、海蜇頭撈起、素翅和炸雲吞等,SuperGirls五位成員Aka、Cheronna、Yanny、Heidi及Jessica首次接觸鼎爺,均被其了得的武功和煮得的刀功迷倒,個個覺得此乃man爆和安全感典範, ...


李家鼎真係型到冇朋友呀!

農曆新年,當然要一家人相聚食團年飯,因無綫節目《阿爺廚房》而爆紅的李家鼎(鼎爺),日前在特備節目中與組合Super Girls合作泡製賀年餸菜,包括琵琶釀豆腐(福袋)、炸子雞、海蜇頭撈起、素翅和炸雲吞等,Super Girls五位成員Aka、Cheronna、Yanny、Heidi及Jessica首次接觸鼎爺,均被其了得的武功和煮得的刀功迷倒,個個覺得此乃man爆和安全感典範,年屆71歲的鼎爺粗中有細,更成為她們揀男友的條件之一。

鼎爺有心有力

見到鼎爺下廚功夫了得,Aka﹑Heidi和Jessica坦言:「見到鼎爺好有霸氣,有少少驚,但覺得識得煮嘢食嘅男人又好吸引,佢叫我攞住隻湯匙時好溫柔架,真係有種又驚又喜嘅感覺。」其中Cheronna更被鼎爺霸氣迷倒,冧得鼎爺要將廚藝傳授,更親自執其玉手教她揸鑊鏟,其後五女起哄下,鼎爺更將她抱起以示寶刀未老有心有力,Cheronna開心得面紅耳赤,大有受竉若驚之感,現場氣氛相當熾熱。

避女避到換酒店

拍攝現場被女圍,鼎爺卻稱司空見慣:「我後生嘅時候都多女圍架我從來未追過女仔!」其實鼎爺魅力非凡,打從廿歲出頭至今不斷被女追求,十隻手指都數唔晒!最爆一次為避女追避到要轉酒店,守身如玉只為保住隻「豬」去結婚。鼎爺說:「當年70年代跟武指去高雄(台灣)拍嘢,佢哋帶我去夜總會見識,有位小姐之後不停咁搵我,追到去酒店,搞到我要避到搬走!我哋係練功之人,師傅話亂搞(男女關係)冇一半功力傷元氣!阿爸阿媽管得好嚴,我隻豬都守到26歲,同施明結婚時先破,仲畀人笑!(到依家都好多女埋身?)係架!由我結婚後都仲有好多,結咗婚、未結婚都有,有啲仲話唔介意我有老婆,仲要養埋我,但我都唔肯,因為我唔會亂搞男女關係。(魅力非凡?)唔沖涼就大把味!我都唔知佢哋鍾意我乜,又老又皺皮!」

認女友係老婆

離婚後的鼎爺再逢第二春,現年60歲的另一半相處達十年之久,鼎爺欣賞對方的體諒和包容,從未介意他多女埋身,問「阿嫂」對名份會有所謂嗎?鼎爺笑言:「都有啲所謂架!女人點都想有張櫈仔坐!(註冊結婚?)咁嘅年紀結婚就唔好嘞,我都喺親戚面前認晒頭佢係我老婆註冊就隨緣!」

__________________________

想聽歌?想睇MTV?想了解本地Indie Band資訊

快啲click入「聲大夾樂」專頁: http://on.cc/musicon


來源 source: http://hk.on.cc
鍾意就快D Share啦!