大家成日都講美魔女、凍齡美女，越數越多，其實仲有一個數漏咗，就係53歲章小蕙，鍾鎮濤前妻。當年曾被裕泰興追討二億五千萬欠款，章小蕙一句「飯可以唔食，但衫唔可以唔買！」真夠霸氣。好景嗰陣，章小蕙每季買衫花費30多萬，真係好豪。以前買嘢可以唔睇價錢，章小蕙曾話過，出街從來都唔用銀包，更少帶現金，因為買貴衫可用信用卡，買咖啡麪包則習慣賒數，咁好可能佢好似林鄭一樣，連八達通都唔識用。依家人生閱歷多咗，對金錢睇法自是不同。長居美國嘅章小蕙，章父於去年6月過世，章小蕙分到遺產後，善用其於當地電影圈人脈，變身中間人，幫中國片商喺美國、加拿大等地買賣劇本版權，從中抽佣。久唔久返來香港嘅章小蕙，最近又返咗嚟。噚日傍晚六點幾，章小蕙單拖現身中環置地，大褸，黑超，長髮，一身行政look，個樣同以前分別唔大。見佢全程拎住部手機，好似好心急咁，不停係咁望，但就唔見佢有回覆，似乎係等緊人覆。置地名店林立，咁多誘惑，以前買嘢唔睇價錢，但噚日嘅章小蕙定力夠，竟然過門不入。農曆新年就到，置地中庭噴水池個位擺咗好多檔口賣年貨，百無聊賴嘅章小蕙唔入名店，只逛檔口，但都係得個睇字，兜咗個圈，問下啲sales年糕有咩味道之類，但最後都係冇買到，繼續行三步望一望手機，之後急急腳就撇喇。本報收到風，今次章小蕙大約回港一個星期，此行屬半公半私，公事就係傾緊幾個投資project，主要係開新戲，私事就係陪媽咪過年。至於阿B……應該都唔會見喇啩。
| 採訪、攝影：羅德光 | | |
| | | |
| | | |
| | | |
| | |
|
鍾意就快D Share啦！
|
|
|
