新年假期， Joey孖住劉浩龍東京放電，四日三夜，回港時前後腳出閘。
探熱針
Joey出錢 師兄出力
三月即開 side track騷的容祖兒，趁住農曆年放假，孖住男友劉浩龍去東京拍拖放電。四日三夜行程，坐商務機位，入住位於銀座區的五星級酒店，全部入 Joey數。
女友出錢，師兄出力。回程當日， Joey拉住手提行李，輕輕鬆鬆出閘，負責做阿四的劉浩龍，推住三大喼，再加一個大紙箱，緊隨其後。
咬手扮少女
去到東京， Joey同師兄急不及待打咭，師兄仲話要拍一輯「日本風情畫」。
男友操刀揸機，三十六歲容 Joey馬上變少女，咬晒手指扮 cute，連 fans都嚇親留言：「會唔會太可愛呀？」
天后去旅行，食住全部五星級。來回商務機票，每位約一萬八千蚊；在當地入住位於銀座區的 Andaz Hotel，望正東京鐵塔，每晚房租約港幣四千蚊。五星級享受，當然全部由天后包辦。
逆水行舟
上週二（二月七日），二人坐夜機返港。紮孖辮、戴住口罩的 Joey，拉住手提行李先出閘，等行李呢類要擔擔抬抬的操重功夫，由師兄負責。
相隔十五分鐘，便見師兄推住三大喼行李，再加一大箱戰利品出閘。有男友做咕喱，同一時候， Joey已經安坐保母車，篤住電話等。
為免天后女友久等，師兄同記者打個招呼，已摩打腳推住行李衝去停車場。見男友一上車， Joey開籠雀般講唔停，仲不時露出冧笑。女尊男卑又如何！願打願捱， Joey同師兄逆水行舟，眨吓眼，就五年！
撰文、攝影、攝錄：娛樂組
來源 source: http://hk.next.nextmedia.com
|
鍾意就快D Share啦！
|
|
|
