女人天生愛購物，睇嘢買都好似特別精神，當年「邵氏十二金釵」之一嘅何琍琍，天生美人胚子，喺事業如日方中之際，退出影視圈，嫁俾船運業巨子趙世光，今年就年屆70歲嘅何琍琍仍然保養得宜，上周五同囡囡趙式平行街，睇落似足姊妹咁，式平個樣仲有幾分似鍾嘉欣BB!大約下午3點幾，一身貴婦look嘅何琍琍，同細孖趙式平喺中環ifc一間電訊公司買電話，囡囡成程細心聽店員講解，期間店員都有sell佢買其他嘢，不過何琍琍都冇買，最後碌卡俾錢，等咗一陣就拎個電話走，前後都只睇咗15分鐘就拍板，shopping果然係女人嘅天性!跟手何琍琍同式平行咗入一間賣頭箍嘅舖頭，入去已迅速有斬獲，行咗10分鐘就買完，兩母女行咗去ifc正門，司機早已守候，見何琍琍手持一袋嘢，司機即上前接住，母女坐車走人。睇見何琍琍心情靚靚，未有受「三奶」劉園園上月興訟爭產案所影響，華光航業集團董事長趙世光去年離世，旋即爆出三奶劉園園爭產，被列為被告的正室趙何琍琍及四名子女，早前要求法庭剔除劉提出的申索，質疑劉提出遺囑認證訴訟的資格，拒絕向劉交出趙世光的遺囑，認為劉只為取閱遺囑以便提出其他訴訟，劉一方則揚言按法例規定，被告一方須交出遺囑，聆案官最終決定將爭議交給主審法官處理(新聞連結：http://bit.ly/2ktrehE)，案件排期5月2號再審。
| 趙式平化咗妝個樣激似鍾嘉欣。(攝影：羅德光) | | |
來源 source: http://s.nextmedia.com
|
鍾意就快D Share啦！
|
|
|
