2017年2月16日 星期四

甩蔡思貝 麥秋成陪新女烤肉兩粒鐘 [壹週刊 - 1406] __,麥秋成,蔡思貝,M1,

女伴眼大鼻高,同蔡思貝類型相近,至於是否新女友,對方掟彎避鏡頭,麥秋成就笑晒叫《壹》仔唔好嚇親人喎!同你吟一吟甩蔡思貝 麥秋成陪新女烤肉兩粒鐘先後同過鄭俊弘、陳展鵬、洪永城、溫家偉、周志文傳緋聞嘅蔡思貝,作為大台新一代「人肉發電機」,幾乎大小通吃,終於搞到排舞師男友麥秋成投晒降。撇甩25歲蔡思貝,一向多女埋身嘅麥秋成大條道理換馬。上星期二(七日)晚,佢約咗個女仔去皇室堡食烤肉,七點半晚飯黃金時間, ...


女伴眼大鼻高,同蔡思貝類型相近,至於是否新女友,對方掟彎避鏡頭,麥秋成就笑晒叫《壹》仔唔好嚇親人喎!

同你吟一吟

甩蔡思貝 麥秋成陪新女烤肉兩粒鐘

先後同過鄭俊弘、陳展鵬、洪永城、溫家偉、周志文傳緋聞嘅蔡思貝,作為大台新一代「人肉發電機」,幾乎大小通吃,終於搞到排舞師男友麥秋成投晒降。

撇甩 25歲蔡思貝,一向多女埋身嘅麥秋成大條道理換馬。上星期二(七日)晚,佢約咗個女仔去皇室堡食烤肉,七點半晚飯黃金時間,麥秋成專登提早 10分鐘去攞位,撐枱腳接近兩粒鐘,再一齊落樓行去停車場攞車走。

撐枱腳接近兩粒鐘,二人同車離開。

《壹》仔跟住同麥秋成傾咗幾句!

壹:你新女友?

麥:唔係,朋友食飯啫!

壹:同 Sisley(蔡思貝)點呀?

麥:哦,咪朋友囉!

壹:已經分咗手?

麥:感情嘢唔講!

壹:最近有報導話佢同張振朗?

麥:應該都唔會,我唔知道,冇睇到!

壹:咁佢係咪已經搬出你屋企?

麥:私人嘢唔講

麥秋成有問有答,但對前度蔡思貝,由拍拖到分手,一貫拉鏈嘴。

撰文:八珍


鍾意就快D Share啦!
Related Posts Plugin for WordPress, Blogger...