前大律師林作於柴灣錄影ViuTV節目《晚吹-總有一件喺左近》。擔任嘉賓的林作透露於節目中會大談前度女友，他自認戀愛經驗少，但歷任女友均就讀法律系：「經驗好少，五隻手指數晒，當年寒窗苦讀，生活苦悶。（前度全部係同學？）大部分唔係，但全部讀法律。」
畀前度鬧到無地自容
他笑言其實不喜歡口齒伶俐的女仔，因為自己會成日捱鬧，曾試過被女友鬧到無地自容至狗血淋頭：「會好煩，我經歷係成日被人鬧，所以面對大眾漫罵聲我ok。（前度鬧到你點？）狗血淋頭、一文不值、無地自容，冇咩地位，造就我今日冇自信。（你唔反抗？）冇得反抗，打者愛也。（你口才咁好，唔話番佢哋？）感情冇得贏，男仔要有風度同忍讓。贏咗場交，輸咗頭家，何必呢？」
怕老婆
林作直言日後結婚會變成老婆奴，甚至願意跟老婆改姓：「絕對係怕老婆，成副身家畀晒佢，願意改姓！（你媽咪畀咩？）我單親家庭，佢應該同前夫比較懷恨在心，我唔跟佢姓林，媽咪可能比較爽！」
對外國美女冇反應
林作又言無法與外國美女拍拖，皆因冇生理反應：「生理問題，冇任何反應，全混血都唔得。但1/4混血好似Angelababy就係至愛，可惜佢結咗婚。（搵緊你個Baby未？）個人感情唔會再講。」
唔提麥明詩
問他今次分享前度故事，會否擔心激嬲過往女友，例如麥明詩？林作就指不會開名講，亦
不針對任何人：「冇針對任何人。（你同麥明詩有冇分手？）你鍾意點寫我都配合。」談到他目前是否單身？林作就說：「唔回應，鍾意多啲自由，永遠單身都易辦事，我Facebook status都永遠寫單身。（另一半冇安全感？）由頭到尾冇畀過任何人安全感。（唔畀身份女朋友？）點會唔畀？但唔會公開。」他又稱就算拍拖都唔會公開：「唔會再講感情生活。」東網致電麥明詩，對於林作言論，她說：「佢講嘅嘢就問番佢」
|
鍾意就快D Share啦！
|
|
|