陳展鵬同胡定欣盛傳拍大台劇《城寨英雄》戲假情真，二人成日喺公開場合眉來眼去，相當曖昧，定欣前日去咗吉隆坡出trip，陳展鵬即鬼祟約長髮女上山頂談心，喺車廂調情兼開餐！呢位長髮女，原來就係上年落選港姐單文柔。前晚約10點45分左右，陳展鵬架車喺中環鏞記附近，當時陳展鵬同單文柔一齊，陳展鵬揸咗架車去擺花街，由單文柔落車負責買嘢飲，去咗coffee shop買嘢飲、又去咗一間西餐廳買外賣，單文柔呢晚好跳脫，又抵得諗，買完一轉嘢即擺上車，來回行咗幾轉，買好晒嘢。陳展鵬揸咗架車上山頂，未知係唔係有女伴喺身旁，加上夜深人靜，陳展鵬先泊咗一個側邊位，似乎唔啱心水，跟手又倒車，再泊咗喺一排過咪錶位嘅中間位，記者上前影相，陳展鵬一臉愕然，表現好驚青，當時好似想將個麵包，遞俾單文柔食，忽然被撞破戀情，單文柔未有遮樣，反而陳展鵬好閃縮，先撥低車廂太陽擋遮樣。未知陳展鵬係唔係怕破壞佢同胡定欣「緋聞情侶」檔形象，定係佢同時追緊定欣，只係趁定欣出埠，怕同單文柔上山調情一事東窗事發呢!?陳展鵬竟然入波倒車，未有留意路面情況，就咁撞咗落記者採訪車，當時採訪車同陳展鵬架車之間有成1米距離，最陳展鵬撞完一下即駛前，擾攘一輪之後陳展鵬就揸車絕塵而去。陳展鵬架車係日本經典復刻版4000cc越野車，型號FJ cruiser Toyota，約40萬港元，車尾掛住嘅車胎，印有陳展鵬英文名「Ruco」。
《蘋果》第十二屆金話梅電影選舉（Golden Plum）又嚟喇!由今日起，請在以下網址（http://campaign.appledaily.com/goldenplum2017）投票，選出心目中的爛片之霸，截止日期係4月6日，賽果將於香港電影金像獎舉行前夕（4月8日）揭曉。
| (攝影：吳耀輝、孔志豪) | | |
| | | |
| | |
|
鍾意就快D Share啦！
|
|
|