郭偉亮話唔覺得老婆肥呀！
藝人葉佩雯（Grace）日前被影到疑似怪病復發再次腫脹，連手指都變得腫腫的，Eric Kwok（郭偉亮）接受東網訪問表示：「Grace係手指尾有啲事，佢啱啱去完滑雪，佢手指尾插咗落啲雪度，扭到扯到條筋，嗰日我係車佢去睇醫生，我自己又要去睇物理治療，因為我滑雪拗柴，都要隔日去睇。」Eric指Grace的心情OK，他說：「我唔覺得佢肥喎，其實佢隻手不嬲都係咁樣喎，同我隻手差唔多好有肉好厚。」Eric笑言太太好有福氣：「我話過要畀幸福佢吖嘛！我鍾意嗰啲有啲肉地，所以正！」
Grace有感而發表示身體健康好緊要，Eric說：「係架，身體唔好真係好麻煩，好似我咁左手左腳拗咗柴真係好唔方便。」問到Eric自己的腳情況？他說：「醫生話我進步得好快，但係唔夠快再去滑多次雪，因為啲雪溶緊，要等多一年。」Eric笑言下次再去滑雪，如果成個行程去七日，最尾兩日他才會玩花式，他說：「咁就一定唔會有事，好似今次我係頭嗰幾日玩花式衰咗，跟住嗰四、五日都冇得玩，真係戇居。」Eric表示滑完雪回來忙於做音樂，他說：「舊年玩吓幕前嘢，今年會做番好多音樂，都幾refresh！」
來源 source: http://hk.on.cc
|
鍾意就快D Share啦！
|
|
|