向佐今日就帶咗一名女性朋友到灣仔君悅酒店出席「2016傑出領袖選舉頒獎禮及晚宴」，佢就即刻澄清，身邊女伴唔係女朋友，只係幫朋友帶朋友進場，話o依家自己係單身，仲叮囑記者唔好問呢啲，目前以工作為主，好似拍劇同做真人騷咁。講到參與大陸嘅真人騷，可要好大嘅運動量同食蟲㗎？向佐就話：「之前都唔需要好大運動量嘅，之前已經食過蟲，但我就唔怕囉！之前仲同爸爸媽咪參加過一集嘅真人騷。」問佢點解o依家唔拍拖呀？爸爸媽媽可有催婚呀？佢即話：「o依家冇時間呀，啱啱出來做嘢，佢哋都冇催(婚)。」提到細佬向佑因毆打兼恐嚇司機被判入獄一事( 新聞連結：http://bit.ly/2mMkQ79 )，向佐坦言：「我得一個細佬啫，其實都等咗（判決）好耐，大約都知會有呢個結果，有心理準備，都判咗，冇得唔服。細佬入咗去兩日，佢都有寫我名，我可以去探佢囉！大約都知會有呢個結果。」
| 向華強、向太陳嵐、向佐同女性友人今日出席「2016傑出領袖選舉頒獎禮及晚宴」。(攝影：沈健程) | | |
| | | |
來源 source: http://s.nextmedia.com
|
鍾意就快D Share啦！
|
|
|