同胡子彤罕有合體行街，歐鎧淳邊食邊講，男友甚少搭嘴。
娛樂偵訊
拍拖少交流 大食歐鎧淳搶埋男友嗰份
香港游泳選手歐鎧淳，自從去年在奧運擔任港隊持旗手後，因為樣靚身材正，便被封為女神，更開始加入娛樂圈，而她的男友都是運動員出身，是今屆《香港金像獎》「最佳新演員」得主胡子彤，他們拍拖半年，由於二人正值搏殺期，要抽空拍拖有一定難度，所以有消息指二人最近感情轉淡。
日前 Stephanie（歐之洋名）難得同胡子彤拍拖，但竟然找來女友人做電燈膽，一行三人 IFC行街，美人魚同男友一杯雪糕兩份食，本應好 sweet，只是胡子彤吃了一大啖，雪糕隨即被女友拎走兼獨霸，全程兩人都少交流，完全唔似熱戀中的情侶應有表現。
獨霸雪糕
本身同屬運動員出身的歐鎧淳及胡子彤，先後殺入娛樂圈，男的更憑電影《點五步》成為今年《香港電影金像獎》「最佳新演員」；而歐鎧淳除拍了多個廣告外，更在電影《春嬌救志明》客串一角，兩人愈來愈忙，拍拖機會相對減少，這天一身牛記打扮的歐鎧淳同男友胡子彤孖住友人現身中環 IFC拍拖，孭住大頭 Simpson布袋的胡子彤邊講邊食雪糕，只是吃了一口，身旁的女友已急不及待搶去雪糕，之後他們行入 Dior睇化妝品，通常名店都謝絕客人攜食物內進，但歐鎧淳一於少理，邊睇邊慢慢食。
原本陪行街的胡子彤，成為 sales姐姐的目標，被對方全力推介男士系列，胡子彤一度對$460的鬚後水感興趣，但問過女友意見，對方只係擰擰頭即刻將物品放低唔敢買。
各有各忙
同樣齋睇無跌錢的歐鎧淳也中大熱的唇彩，同男友一個眼神示意，對方已經有所領會，拎出手機影低作參考，逗留廿分鐘無收穫，雪糕繼續大口大口食的歐鎧淳便孖住男友同友人跳上的士離開。
事隔幾日，下午三時歐鎧淳到中環擺花街一間花店買花，前後不夠五分鐘已經搞掂離開，一甫出鋪頭歐鎧淳又急不及待摷麵包邊行邊食，次次見親她都是食物不離口，但係身材依然咁 fit，的確令人好葡萄！
其實仍然是運動員的歐鎧淳除了每日定時定候訓練，還要拍廣告、出席活動，更落實會在書展出書，工作排得密麻麻，而胡子彤簽約古天樂旗下公司後，又不停有戲拍，最近忙於為 FOX投資的華語劇《心寃》埋位，兩個正值搏殺期，見面時間好有限，要維繫感情有一定難度！
撰文、攝影、攝錄：娛樂組
|
鍾意就快D Share啦！
|
|
|