今年50歲嘅小小超李澤楷向來低調處理感情事，而且保密功夫做得好好。小小超自11年同梁洛施分手後，雖然身邊女伴不停轉，但係都少有高調公開。不過，小小超最新一段戀情，同15港姐出身，24歲嘅郭嘉文經常被影到，似乎「疏於防範」。先係舊年嘅情人節，有讀者喺日本東京銀座博物館影到小小超同一名長髮黑絲口罩女一齊，二人平玩電動模型車，只係花咗45蚊就換取到20分鐘嘅快樂。 (新聞連結： http://bit.ly/2a60lx1 )當時都未知呢位長髮黑絲口罩女就係郭嘉文。到舊年7月，郭嘉文身份曝光，雖然記者多次追問小小超，都係換嚟：「Work has been very busy lately 感情事暫不想提了，謝謝你關心。」(新聞連結： http://bit.ly/29MXEie )更有指戀情曝光後，大台雪藏郭嘉文，過咗1個月後，郭嘉文終於「被解凍」，出現喺《東張西望》。(新聞連結： http://bit.ly/2rA0G4T )到今年3月，有報道指郭嘉文以個人名義，購入九龍塘逸瓏天池屋，當時成交價1.068億元，呎價近5萬元。及後《蘋果》記者向李澤楷查詢係唔係同郭嘉文交往中，並送贈1億豪宅？李澤楷以短訊回覆：「Have a good evening!Richard!」(新聞連結： http://bit.ly/2pzUSVv ) 到今年4月，小小超被影到現身中環，揸住架09年出廠、價值186萬元嘅保時捷戰車，親自做柴可夫接郭嘉文。當時《蘋果》向小小超查詢戀情會否公開時，小小超只回應：「今個週末難得可以不需要外地工作，you have a good evening ! Richard P.S. switching phone off now.」難道言下之意係難得唔使開工，就同郭嘉文過二人世界，仲講明要熄電話避打擾？(新聞連結： http://bit.ly/2oqVbjH )到本月14日，小小超被影到揸戰車，載住郭家文現身灣仔合和中心附近，期間小小超輕撫郭嘉文臉龐，真係冧到爆。之後二人到大潭黃泥涌峽道的香港木球會，二人落車後手拖手，又攬攬腰，真係sweet到爆，兩人之後進入木球會會所餐廳，直至個多小時後離開。(新聞連結： http://bit.ly/2qVK9Yw )
|
鍾意就快D Share啦！
|
|
|