因為唔想圈外女友曝光，李雨陽好乖咁幫好友個樣做「後期加工」。
跟陳靜（DaDa）拍過拖、曾拍攝無綫青春劇《當四葉草碰上劍尖時》而入行的38歲藝人李雨陽，被東網率先發現於本月10日入紙申請迎娶比她11歲的圈外女友鄭嘉詠！身在山西工作的他接受東網記者電話訪問時就直認與女方閃婚：「一齊咗冇幾耐！（幾個月？）其實係年頭識嘅，雖然時間上話長唔長，但係喺性格上各方面都好夾，例如家庭理念，重點係大家都好鍾意小朋友，本來諗住旅行結婚簡單啲，但唔知係咪老婆旺我，大家有咗共識之後，我就不停工作。另外搵人擇日時，話6月25日係最夾我哋兩個，所以惟有屈就老婆要結咗婚先可以度蜜月，做男人要有事業心，但都要以家庭為先。」
生B隨時中咗都未定
問如何結識未婚妻時，他透露與對方在朋友聚會中認識：「當晚大家都有好感，就交換咗微信，之後相處咗一段時間，大家都商擬好，有咗共識就互相見家長，好好彩岳父岳母都唔介意我係演員，好多時候都會喺內地工作，佢哋都好信任我交個女畀我照顧，都相信我有咁嘅能力畀到幸福佢哋個女，加上我都38歲了，應該玩嘅都玩過晒，係時候要組織個家庭。」問兩人是否已經有計畫生B、是否奉子成婚時，他即謂：「未知呀，可能隨時中咗都未知，但有好消息會同大家講，開心嘢唔會收埋！」李雨陽又表示如果將來有小朋友，會等BB一歲時紋小朋友的樣子在膊頭上。
來源 source: http://hk.on.cc
|
鍾意就快D Share啦！
|
|
|