導師 K向記者說明，游說父母時不能直接說讀打機班：「你都唔會同阿媽講，我入呢間中學，係為咗課外活動，這句係心裡面說話。」
壹號頭條
揭$8萬「騎呢文憑」 吸 DSE放榜生
香港中學文憑試（ DSE）本週三放榜，應屆考生前路茫茫，又是私人院校爭新客的時候。本刊發現，有坊間的私人院校為吸引學生，推出各項「騎呢」課程。當中有打機、籃球、網紅等等，目標是「升讀八大院校」。
記者以學生身份，到「惠理教育中心」查詢，發現所謂「打機」及「籃球」文憑，只是吸引學生的課外活動，實質想推銷由「啟示書院」開辦的英國商科文憑課程。職員更游說記者如何向父母解釋：「唔好直接講讀打機班。你劈頭就講，呢間中學可以幫到我上大學，或者可以幫我有份好啲嘅 portfolio，佢哋課外活動好完善。」課程修讀十六個月，學費盛惠八萬八千元。
而主辦機構「啟示書院」（ Compass College），早已被網友炮轟，有學生向記者直指：「課程俾咗個假希望我，有同學副學士都唔收！」更有舊生指，啟示曾建議他們，直升曾涉及偽造文書的「國力書院」。
早於放榜日前，在網上已不斷出現銜接學位課程的廣告。其中有網上討論區更指，有院校以「電競課程」名義招生，更以「電競大伏」來形容該課程。記者瀏覽課程網頁，發現設計十分簡陋，只是草草寫了「有無諗過重拾學業？《電子競技人才培訓計劃》可能就係你想要嘅出路」等字眼，而網頁的註冊者為惠理教育中心。打機都有得讀？記者立即跟進。
「唔好同父母講打機」
記者以學生身份到惠理教育查詢，有一名負責電競班的導師 K，為記者講解計劃內容。一揭開，原來籃球和電競班，是他們提供的免費課外活動，並推銷學生報讀其他書院辦的課程。他拿出啟示開辦的 BTEC（ Business& Technology Education Council, Higher National Diploma）商科文憑小冊子，指「呢個文憑最多人讀」：「八大（八間大專院校）都認可。我哋要上堂，但係你跟唔上嘅話我哋都有大學生同你補習。」記者翻看小冊子，課程內容以商科為主，必修科包括市場學、營商環境、商務決策等，需修讀十六個月，學費八萬八千元。
雖然各課程都沒有考試，但導師 K指大部分學生荒廢學業已久，甚至輟學。「我花好大心力去幫助他們平衡，因為好辛苦，他們不習慣讀書，不習慣交功課。」他的工作是盡力幫他們，明白讀書的真諦和重要。他表示會以個人經歷，如何發奮圖強，去輔助學生。至於「課外活動」電競課程，講到一樣專業：「過程我給予他們很多啟發，怎樣認清方向，怎樣了解讀書重要性。電競計劃入面，主要有一半學生是以前不讀書，日日打機，去網吧。而我教識他們讀書重要性，他們會真的明白，重回讀書。」除了課程教導學生打機外，他還會參考外國對電競的學術研究，從而決定學生們的發展方向。
記者表示擔心課程認受性，難以向父母交代， K就指：「我哋所有課程都拎到相關認可，唔使擔心點樣同阿媽開口。」之後他更「教」記者說服家長：「唔好直接講讀打機班，即係你入一間中學，都唔會同阿媽講：『我入呢間中學，為咗參加課外活動』呢句係心裡面嘅說話。你劈頭就講，呢間中學可以幫到我上大學，或者可以幫我有份好啲嘅 portfolio，佢哋課外活動好完善。唔好一開始就講我要入去打機！」他保證只須在書院所讀的全部科目，取得一般的水平（ merit），如同 DSE的 level 4成績，便能順利入讀香港公開大學。「保證公大一定入到，仲可以直入 year 3。」
舊生： IVE都唔收
這些課程，真是啱晒搵阿媽俾錢、實質想玩樂的「衰仔」。至於是否直入公大？過來人有話說。商科文憑的營運機構是啟示書院（ Compass College），而啟示書院的事跡，早已在網上瘋傳，其中 Facebook更有 Compass College Secrets專頁，控訴其銷售手法，例如有：「上去俾錢就有得讀……好似係要快啲俾錢」、「中途無返學，兩年後都追收學費」等。本刊找到在兩年前報讀啟示書院 BTEC課程的 Matthew（化名），他直指感到被騙：「嗰時考 oral，個 sales喺學校做問卷，我就俾咗電話佢，佢就係咁打嚟，同我講你讀完呢個課程之後係可以升上八大。我個分其實係可以讀副學士，但佢就係咁 sell認受性比一般副學士、高級文憑高，升學率都係比較高，更加講到張 cert同喺英國頒嘅一樣。」
Matthew續指，未正式就讀，已交了近四千元留位費，入學後不久已覺不妥：「個 course無 GPA，唔需要考試，唔需要 present（簡報），每科就係以兩份功課嚟衡量成績。一開學，就有阿 sir對全班講，其實讀完係升唔到八大，個阿 sir第二日就無返工。」他表示因已申請了學生貸款，「簽咗授權書，俾機構代收學費，所以走唔到。」他無奈指，到畢業後，才發現文憑上印有 Compass College字樣，令面試處處碰壁：「出面學校連面試機會都唔俾，我同一個同學，去一啲 IVE旗下嘅銜接學位課程，受到啲唔好對待。有句好有印象，就係：『嗰間呀？』有個同學讀完，報副學士都唔收！」
直升國力書院
另一舊生 Peter（化名）亦承認：「讀完之後我再報 IVE高級文憑，都係唔收，都係叫我報番基礎文憑。」他指出各院校是承認 BTEC文憑，「但係呢間學校頒授嘅就唔多承認囉。」他曾向啟示書院投訴，但對方只冷冷回應：「今年先係咁。」他更大爆校方在畢業前，建議他們報讀合作機構的銜接學位課程：「俾咗幾間我哋揀，其中一間英國大學叫 Bath Spa University（英國排名 75），由國力書院喺香港承辦嘅，就係蔡思貝衰咗嗰間。嗰時佢不斷要求我哋俾留位費，我都俾咗幾百蚊。之後就爆咗（假學歷）單嘢，搞到個個都唔想讀。」牽涉事件的還包括多間大學教授，及「 Celine父」譚順生。記者到位於銅鑼灣的啟示書院查詢，發現學校鮮有學生及職員，負責接待的員工指：「要有升學顧問介紹先得，唔可以 walk in查詢，一係就留低電話。」但一直未有人來電。
啟示書院股東
啟示書院於二○○三年在教育局註冊，○九年在銅鑼灣信諾環球保險中心開業。早在二○一○年，就有報導指，懷疑一名啟示書院的課程顧問，以虛假或具誤導性的宣傳，吸引考生報讀未經評審的文憑課程。當時教育局表示，接獲查詢後，已派員巡查，向校方了解有關課程的宣傳內容，並已發出警告，以及要求學校改善措施。
啟示書院在網站聲稱「專門提供工商管理，款待及旅遊範疇的高質素『職業導向』課程」。啟示書院現由潘俊彥打骰；二○一三年，香港教育（ 1082）曾向潘俊彥及梁衞漢，收購 Seasoned Leader（持有啟示書院）的四成七股權，作價四千七百萬元。但上年以五千三百萬港元賣回給潘俊彥。而潘俊彥做教師出身，現時也有經營多次轉手的茂昌眼鏡。
至於惠理教育中心，二○一五年在教育局註冊，公司於二○一四年由洪金燦、伍明輝、譚俊華等人創立，其中伍明輝為學院創辦人及校董，網頁指他曾於會考及高考經濟科考獲 A級成績，並畢業於香港中文大學經濟學系。
啟示書院回覆指，暫時只有兩個人報讀課程，由於事情在網上鬧大，以及教育局已就課程查詢，亦會考慮取消與惠理教育的合作。最後他補充學生報讀後，若有任何不妥，可以申請退款。
資歷架構無認可
本刊向教育局查詢，啟示書院主辦的文憑，是根據《非本地高等及專業教育（規管）條例》註冊的非本地課程。田惠理教育中心的校址，為根據相關規則進行課程的其中一個獲豁免處所。不過，眾所周知，有註冊不代表坊間便會認可。教育局特別強調，就算非本地課程已獲准註冊，並不表示相關課程有特別地位，亦不代表其課程已通過香港學術及職業資歷評審局的本地課程評審。根據資歷名冊記錄，課程並非資歷架構認可課程，主辦者可自行決定為課程進行評審。
立法會教育界議員葉建源就指：「任何人都可以發文憑，發出嘅機構或者人士，如果係無權威性，佢即使係叫文憑，價值都會好低，甚至係無。」他解釋：「如果報讀時作出承諾，之後未能兌現，例如講出嚟同實際做出嚟係相對好遠，咁就有可能違反《商品說明條例》。」
撰文：財經組
攝影：財經組
news@nextdigital.com.hk
|
鍾意就快D Share啦！
|
|
|