掃呢頁CODE去手機

2017年8月14日 星期一

【獨家】33歲輕熟女李彩華至愛騷長腿 花花look行街懶理途人眼光 __,花花,Elfa,李彩華,

李彩華(Rain)係出名嘅圈中小富婆,在內地密密接劇賺人仔,坐擁逾億身家。今年Rain以33歲輕熟女之齡推出半裸寫集,上月出席書展宣傳時,力谷32B上 ...


李彩華(Rain)係出名嘅圈中小富婆,在內地密密接劇賺人仔,坐擁逾億身家。今年Rain以33歲輕熟女之齡推出半裸寫集,上月出席書展宣傳時,力谷32B上圍,又穿黑色魚網絲襪,勁吸睛!(相關新聞﹕http://bit.ly/2w0kkd7)上周三下午4點幾,李彩華與一位中年女士現身銅鑼灣時代廣場,Rain似乎真係好鍾意晒美腿,當日雖然只係化淡妝,但就着咗一條超短熱褲,加上全身都係adidas運動套裝,花哩花碌都幾招搖,難怪沿途有唔少途人眼望望,不時聽到有人細細聲講﹕「阿Rain喎」。不過阿Rain一於少理,依然神態自若與友人行街,佢哋行經賣鞋同手袋嘅地方,都有駐足拎起望兩眼,但似乎全部唔啱心水,一味只係顧住傾偈。之後Rain與友人落下一層嘅超市買嘢食,女友人好快手咁揀咗一條丹麥條,Rain即爭住俾錢。然後佢哋就去附近服務處繳付停車場費後,再去取車離開。

李彩華對自己一雙美腿勁滿意,無論出活動、影寫真、或同朋友行街都以超熱褲示人。 (攝影﹕徐錦池) 後面都好有睇頭,唔少人都認得Rain。
Rain同女友人掛住傾偈,對鞋同手袋都只係求奇望幾眼。 買包爭住俾錢
Rain係圈中小富婆,最近公開承認與何遠恒相戀。(資料圖片)
Rain最近以輕熟女之齡推出性感寫真集。(寫真集相片)

來源 source: http://s.nextmedia.com
鍾意就快D Share啦!