掃呢頁CODE去手機

2017年9月14日 星期四

【獨家】係愛呀!抱完再錫 白只顏卓靈一條街咀足12次 __,顏卓靈,白只,

愛情嘅奥妙之處,就係有好多嘢,你永遠估唔到!明明男嘅其貎不揚,偏偏就媾女無數,旁人搲爆頭諗極唔明。不過齋睇外貎,又確係有啲啲膚淺,成功媾女嘅精要,當然 ...


愛情嘅奥妙之處,就係有好多嘢,你永遠估唔到!

明明男嘅其貎不揚,偏偏就媾女無數,旁人搲爆頭諗極唔明。不過齋睇外貎,又確係有啲啲膚淺,成功媾女嘅精要,當然唔止淨係睇個樣。

舊年6月,23歲顏卓靈同大自己14年嘅白只,喺九龍城激咀驚爆戀情。(新聞連結:http://bit.ly/2jmOHFh )呢篇娛樂報道,令唔少人下巴跌到落肚臍。不過顏卓靈就深明愛情嘅真諦,只放大身邊人嘅優點,得出嘅結論係:「白只成熟又搞笑。」

拍拖超過1年,被指係「美女與野獸」最佳人辦嘅佢哋,原來戀火持續高溫,每當喺埋一齊時,更進入眼中只有對方嘅忘我境界。

日前(10日)晚上約8點,《蘋果》見到白只揸住佢架黃色戰車,駛到尖東近科學館停低,旁邊就坐住佢女友顏卓齡。一落車,白只就二話不說,將女友成個抱起,先嚟咀對咀錫兩啖熱吓身。之後佢哋再沿路行去香格里拉酒店方向。二人沿途手揈揈,期間白只再度情不自禁,錫吓女友手背,而女嘅亦唔執輸,飛快咁錫咗男友塊面一啖。

二人當晚搵地方食晚飯,當上電梯時,白只含情脈脈望實女友,然後攬實女友腰,哄埋對方塊面錫錫。唞兩唞回吓氣,又再四目交投……單單一條電梯嗰10數秒時間,二人已經咀咗5次。而計埋喺條街嘅錫錫次數,記者目測最少錫咗12次。小情侶最後揀咗商場入面嘅印度菜食晚飯。不過睇餐牌嗰陣,佢哋又捉實對方手,互搓玩手指。睇佢哋個樣,就算唔食飯,淨係飲面前杯水,都已經飽晒囉。



冇花冇假,短短一條電梯,咀不停。(攝影:畢紹基、吳耀輝) 兩個都好肉緊。
咀完回一回氣。 好似初戀咁甜蜜。 就算大街大巷,一樣進入忘我境界。
落車抱起顏卓靈。 再咀咀。 餐廳繼續玩手指。


舊年6月九龍城激咀引爆戀情。(資料圖片) 拍拖拍電影《今晚打喪屍》。(資料圖片)

鍾意就快D Share啦!