梁安琪（圈圖）就話陳瀅同何猷亨應該唔係復合。
賭王何鴻燊四房長子何猷亨同藝人陳瀅曾拍拖半年，拍拖期間陳瀅深得四太梁安琪歡心，仲獲對方大讚靚女，可惜去年7月陳瀅直認兩人關係「退一步」，暗示情已逝，之後陳瀅都有同方力申傳過緋聞，但雙方都作出否認。
直至近日，有人目擊陳瀅同猷亨喺中環天橋並肩睇煙花，仲有講有笑，當時猷亨仲望實陳瀅，而陳瀅就笑晒口，關係似乎又「進一步」，有復合之嫌，而四太梁安琪對於仔仔疑復合一事，佢接受東網訪問時就話：「佢哋應該唔係復合，係朋友，唔係嗰種（情侶）關係。（咁最近有冇見過佢哋一齊？）有呀有呀，朋友之嘛。而且我同陳瀅久唔久喺無綫嘅活動都會見到佢。個仔依家成熟咗啲，個個女朋友分手之後都係再見亦是朋友，印象中見到陳瀅，佢都好似係同一班朋友過嚟打招呼。」
來源 source: http://hk.on.cc
|
鍾意就快D Share啦！
|
|
|