恭喜晒兩位！
吳若希（Jinny）挑選10月10日、「十全十美」這日子與男友Alex（何兆鴻）正式簽字結婚！
在唱片公司簽完字正式成為何太的Jinny與Alex十指緊扣，在下午五點三左右落樓，一對新人心情靚爆，Jinny着住套裝，而Alex就着了西裝，兩人邊行邊受訪。問到點解揀今日簽字？Jinny笑說：「好日囉！（十全十美？）係呀！（點解唔帶埋囡囡嚟？）佢攰呀，（簽字有冇喊？）冇，反而幾搞笑，因為一班朋友聚埋一齊！（慣唔慣叫Alex做老公？）OK，幾習慣。」Alex被問到簽字時可有對Jinny講愛的宣言？Alex放閃笑說：「日日都有。」Jinny笑說：「係咩？你同邊個講？」Alex笑說：「同個女講。」
之前Jinny講過年尾才簽字結婚，Jinny笑言十月已經是年尾。問到Alex求婚未？她笑言：「冇呀！」一臉尷尬的Alex說：「我唔會爭人嘢。」Jinny笑言可能結婚20周年時先會做，他們表示不會大事鋪張再擺酒，因為怕麻煩，但兩人會計劃明年在外地搞派對，他們說：「不過仲未知幾時，亦未知去邊度搞。（去歐洲？）諗緊，有幾個地方想去，但唔透露住，畀少少私隱我哋，畀個驚喜Jinny。」說罷兩人即登上保母車離開。
來源 source: http://hk.on.cc
|
鍾意就快D Share啦！
|
|
|