王浩信同老婆陳自瑤屢傳婚變，最近又有指同老婆分居，甚至搬離與妻女同住嘅將軍澳日出康城，搬往維景灣畔同胞弟同住，其後又被爆拍完《踩過界》後仍約會劇中拍檔蔡思貝。王浩信早前出席活動時亦有否認婚變及緋聞，而佢又直認冇時間陪太太，仲話希望「唔好影響小朋友」。
王浩信同陳自瑤兩公婆久久未有一齊配身，就算日前大台亮燈，亦唔見陳自瑤身影，反而係同傳緋聞嘅蔡思貝同場，一臉尷尬(新聞連結：http://bit.ly/2hWHwTF )。而今日佢哋自去年底一齊出席活動後，首次一齊夫妻檔現身公開場合。
今日兩公婆孖住出騷，當司儀介紹佢哋時，一開始未有喺台前現身，先喺商場3D影相區出現，示範港式主題嘅立體效果，陳自瑤身穿紅色連身裙，而王浩信就着西裝look，喺螢幕前同大家打招呼。
上台嗰陣，陳自瑤蹺住老公王浩信出場，王浩信見太太着3吋高踭鞋，佢都扶住太太條腰，兩人面帶笑容，陳自瑤笑得比較自然啲，反而王浩信笑容有啲牽強，二人喺台上都有傾有講。
來源 source: http://hk.apple.nextmedia.com
|
鍾意就快D Share啦！
|
|
|